تكفون خواتي مين تعرف طريقة عمل الترمس والبليله

تكفين اختي دعي لي بظهر الغيب ورب البيت محتاجه الدعاء بس ما راح اعلمك الا الترمس البليله للااسف ما اعرف لها :(
الترمس اختي في نوعين في النوع المر وهذا راح يطلع عينك بالشغل وياخذ فتره انا لما كنت اعمله ساعات يطول يقعد معي اسبوع السبب هذا يرجع انه المنتج لسنه هذي من الترمس مو شيء
في نوع ثاني ممتاز روعه ياخذ منك يوم وهو ترمس استرالي حلو انتبهي في مر وفي حلو انتى اخذي الحلو منه
انقعيه باليل في الماي وثاني يوم راح تلاقين حبته انفشت طبعا كيس الترمس حطيه بجدر كبير وحطي نص الجدر ماي لان الحبه مثل ما قلت لك راح تنفش بعدها ما راح يحتاج تغيرين كل شوي الماي لان الترمس مو مر المهم ثاني يوم غيري الماي وحطي الترمس على النار وخليه يطبخ ساعات ياخذ له وقت وساعات لا يعني يخذ له حوالي ساعه او اقل على النار بعدها طفي النار عليه وملحيه وانتبهي تحطين الملح وانتي تطبخينه لان ما ينفع تقريبا نفس سوات اللحمه لما تحطين عليه الملح وهو توه ما استوى ما راح تستوي
وبعد ما يبرد حطيه بمايه نفسه يعني لا تغيرين الماي حطيه بالثلاجه وطلعي كل ما احتجتي له

ولا تنسين .......... الترمس استرالي حلو


ملاحظه تقدير تستخدمين نص الكيس انا استخدم كيس لان احنا عائله كبير بس هم يطول معي الكيس فانت استخدمي نص الكيس اذا حبيتي

البليلة سهلة مايبغى لها شيء جيبي علبة حمص مسلوق وغسليه وبعدين حطيه مع ماء وكمون وملح وشوي ليمون وخليه يغلي

الطرشي حقها خيار مقطع على شكل مثلثات تحطيه مع ماء وخل أسود وملح وصبغة حمراء حق الاكل وخليه لمدة يوم او يومين بالكثير ثلاث ايام وبس حطيه في الثلاجة بعدين استخدميه:)

اختي مسك وريحان اشكرك على ردك الجميل ويارب ياحي ياقيوم انو يفرج عنك كربك ويزيل همك ويعطيكي يارب ياحنان ويامنان سؤلك ومطلبك انه ذا الجلال والإكرام لا يرد سائلا وقد وعدنا سبحانه بذالك
سلافه2120اشكرك جدا جدا على ردك الله يعطيكي العافيه والصحه وينولك مرادك يارب
تنيل الله يسعدك يارب دنيا وآخره والله كفيتي وفيتي تسلمي

بارك الله لك على تلك الدعوة المباركة

والله يوفقك ويوفق الجميع

ينقل من المشروبات الى اطباق حواء