حضانة اطفال

تعبت اعلم جروحي(2) • 12 سنة

انا بجده حبيبتي
ومستعده اكون معك
بس على شرط نقول لباب رزق الحضانه تكون بشمال جده مو بجنوبها
اول شيء شمالها ناس اكثر شغل ومادية كويسه مررااااا
وبحاجة لحضانه كثير
وبنفس الوقت ودي تصير قريبه مني لان ماعندي اي وسيلة مواصلات ولااي احد يوصلني لجنوب جده مرا
يعني بضطر اجي على تاكسي
اذا انتي موافقه اختي انا معك
وربي يقوينا ويسهل لنا ويكون خير

رووزه • 12 سنة

حبيبتي المشكلة انا زيك في الشمال مره بعيد وبعدين انا كمان ماعندي وسيلة مواصلات يعني الحال من بعضة غير كذا انا عيني على موقع مرره حلو وبالنسبه للجنوب في كمان ناس كثير تدور على حضانه اما بالنسبه ليكي ممكن نلاقي حل لوحبيتي انك تكوني معايه يعني ممكن نلاقي سواق يتعامل معاكي بالشهر واذا مشينا شويه في هذا المشروع نوفر وسيلة المواصلات لكل اللي يشتغل معانا ايش رايك

تعبت اعلم جروحي(2) • 12 سنة

خلاص رووزه
بس مدامك بالشمال ايش يوديك للجنوب
حرام والله
لو بديتي بالمشروع كيف بتواصل معك وكيف اجي عندك ونضبط امورنا
وكم بيكون راس المال وايش العايد علينا
وايش اللي بيسويه باب رزق جميل
معليش تحملي اسئلتي
بس من جد محتاجه اغير جو واطلع من البيت واتوظف
انا جامعية تخصص اسلامي
اقدر امسك الاداره لان معي شهادة حاسب
واقدر اقوم بحضانة الاطفال لان عندي بنوته عمرها 5شهور
بس يارب تيسر
بس تكفين اشرحي لي كل شيء اشوف تناسب معي ولى لا
بس متخوفه من مسالة انه بالجنوب ودي لو انه بالشمال عندي انا وياك اوفر واريح لنا حيل
يعطيك ربي العافيه

وردة الشفاء • 12 سنة

الله يوفقكم يارب

بعيووني حزن • 12 سنة

رووزه :

بالنسبه لراس المال هذه شغلة باب رزق هم يتكفلو بالمشروع انا ابغى واحده جاده تكون معايه من بداية المشروع لغاية العمل عليه يعني تعرفي واحده ماتكفي تهتم بالاطفال واداره تعرفي لزوم الحضانه ان شاء الله اكون افدتك

بالنسبه لراس المال هذه شغلة باب رزق هم يتكفلو بالمشروع انا ابغى واحده جاده تكون معايه من بداية...

اختي انا من جده وقريبه من حي الاجاويد ومستعده اكون معك بمشروعك ونبدا سوا لاني جالسه ادور على شغل زي كذا ولو تبين ارسليلي على الخاص لو سمحتي