شوفوا قصتها لما ضاعوا عيالها .......,,,,,,, روووعه ومفيده

الأسرة والمجتمع

السلام عليكم ورحمه الله وبركاته

ماراح اطول عليكم اتركم مع صاحبه القصه :)


كل شخص بهذي الدنيا معرض للبلاء والمصيبة
واكيد كل وحدة فينا تفكر دائما بالموت خاصة لما تكون سعيدة بوسط عائلتها دائما نفكر ياترا من يموت اول انا ولا زوجي ولا بنتي ولا امي ومجرد التفكير بهذا الامر يخلي قلبك يعتصر من الحزن ياربي اذا فقدتهم ايش راح يصير فيني وبنفس الوقت تتمنى انك ماتعترضي على قضاء الله انت مؤمنة بأنة قضاء وقدر لكن وقت المصيبة ما تدري ايش تكون ردت فعلك لأن القلب بهذه الحظة ينفطر . وماتدري ايش تكون ردت فعلك ...



اخواتي الحبيبات لايدري الانسان ايش ينتظرة في الدنيا من ابتلاءات فابناء على تجربتي الشخصية ادعوكم اخواتي انكم تدعون في كل وقت وبكل صلاة ان الله يثبت قلبكم عند المصيبة تدعون الله بالرضى على القضاء والقدر ..
فكلنا يعرف جزاء الثبات والصبر على المصبية ..ولكن يجب الاستعداد لها بالدعاء ..



ابي اقول لكم فضل هذا الدعاء بموقف صار معي



قبل مايصير لي هذا الموقف كنت ادرس بدار تحفيظ القران ففي واحدة من الاخوات الداعيات جزها الله الف خير تكلمت بهذا الموضوع الا وهو الدعاء بالثبات عند المصيبة وحسن الظن بالله
فا صرت ادعي دائما في صلاوتي بهذا الدعاء ........... (الحمدالله اسأل الله الثبات على هذا واياكم )










في العطلة بيام الربيع طلعت مع أهلى رحلة في البر وقالوا انهم بيخيمون يعني يناموا في البر فاانا كنت مترددة في بداية الامر علشان عيالي (عندي بنت وولد )بنت عمرها 3سنوات وولدي عمرة 4سنوات)

شايلة همهم يعني قلت مارح اتونس وهم معاي فااخواتي اقنعوني وقلوا نساعدك احنا وهي فرصة تجي الواحد مرة بالعمر
رحنا معاهم وصلنا المكان الي نبية العصر وكان مكان مرة حلو والجو معتدل لكن باليل كان برد .المهم نمنا وفي الصباح سوينا الفطور

وغيرت على عيالي ملابسهم وبعدين قريت الاذكار حصنتهم واستودعتهم الله .وبعد شوي ارسل ابوهم يبغاهم يبي يمشيهم بالسيارة

راحوا حدودالساعة 10الصباح تمشينا انا واخوتي واتونسنا وبعدين بدينا نسوي الغداء جا اخوي وسأليني قال زوجك وين راح قلت والله ماادري هو ارسل يبي عيالة يمكن يبي يتمشى معاهم :قال اخوي الصراحة أتأخر:قلت انا ***** الله يجي ماراح يطول ..لاني عارفة بنتي الصغيرة ماتتطول عني علطول تفقدني وراح تسبب لآبوها قلق حتى يجيبها:

قال اخوي نبي نروح ندور عليهم يمكن السيارة صار فيها بنشر او انقطعوا مافي بنزين .عاد راح اخوي وزوج اختي يدورون

لسا احنا ماعطينا الأمر اهتمام وانا بالذات قلبي مطمئن لاني حصنت عيالي واستودعتهم الله .. فا جهز الغدا الغداء وبعد شوي جا اخوي وقال مالقيناهم دورنا في هذي المنطقه كلها مالهم اثر

بداء القلق فينا خاصة اخواتي .
قالوا الرجال خلاص حطوا الغداء نبي نتغدا وبعد الغداء نكمل البحث عنهم ..
انا صرت في قلق حتى ماقدرت اتغدى لكن قلبي مطمئن .

بعد الغداء الرجال كلهم طلعوا يدور حتى اخواتي طبعا معانا اخواتي المتزوجات .
فاانتشرنا كل واحد منا يدور في مكان .انا ماكنت خايفة على عيالي خايفة اكثر شي على زوجي ماادري هو قراء الاذكار ولا ..لا.. علشان كذا كنت خايفة عليه .
فا كنت اتخيل انه لاسمح الله صار علية شي يعني اتعرض للدغة افعى او عقرب ومات وان عيالي عندة مايعرفوا ايش يسوون.


اتخيلت حاجات اسوءمن كذا لكن مااتخيلت ان عيالي ماتوا .
للأني استودعتهم الله ومن استودعتة الله يحفظة الله حتى يرجع.


جاء علينا العصر واخواني وازواج اخواتي رايحين جايين .
واحنا على نار اخواتي وامي مايبغون يحسسوني بالخوف ويحاولوا يتوقعوا الافضل .
وانا الحمدلله صابرة مانزلت من الدمعه .

طلعنا على جبل ننتظرهم .
لانه ماظل عندنا احد من الرجال الا اخوي الصغير بالمتوسط.فاصرنا ننتظر اي سيارة علشان نعرف اي شي

قالت وحدة من اخواتي ليش ماتتصلين على ام زوجك يمكن زوجك روح يمكن احد من عيالك صار فية شي وراح يودية المستشفى .

قلت لااخاف انه مايكون عندها خبر واقلقها.
قالت اختي خلاص انا ادق واشوف بطريقة غير مباشرة بدون ماتشك بالموضوع .(طبعا مافية ارسال للجوال غير لما نطلع فوق الجبل يمسك معانا)

دقت وكلمتها ام زوجي وقالت لها علطول ام زوجي بشروا لقيتوهم قالت لهااختي مصدومة ان عندها خبر ***** **** نلقاهم .

بعدين عرفت ان اخوي دق على اخوا زوجي وهي عرفت ..

أخوان زوجي وعيال اختة وبعض جماعتنا وصلهم الخبر وكلهم طلعوا يدورون .


(الحين وانا اكتب لكم القصة اشوي ولا ابكي لائني الصراحة ماتكلمت فيها بالتفصيل الا معكم دائما لما يسألوني احاول اختصر الموضوع طبعا هذي السالفة تبي تكمل ثلاث سنوات)

المهم اخواتي كل واحدة صارت تبكي لكن مو قدامي كانوا يتخبوا في مكان ويدعوا ويبكون وكنت احس فيهم وكنت احسسهم اني انا صاحبة الشأن مطمئنة ..

صحيح انا قلبي مطمئن لكن بدا بعض الخوف فيني وكل مااحس نفسي ابي انهار وابكي امسك نفسي واقول تعوذي من الشيطان واحسني الظن بالله .
فاصرت ادعي ان **** يرجعهم سالمين ويحفظهم وين ماكانوا .وبعدين صرت ادعي واقول يارب اذا كان هذا يومهم وانهم ميتين يارب ثبتني بالصبر على مصيبتي .واجعلني راضية على قضاءك وقدرك فا صرت ادعي..


بعد شوي جت سيارة سيارة اخوي ونزل وكلهم ينتظرون احد ينزل معاه لكن
مافية احد قلهم اخوي احنا بلغنا المركز واذا مالقيناهم بيرسلون مروحية تدورهم من الجو بعض اخواتي ماقدروا يمسكوا نفسهم فاصروا يبكوا ماتوقعوا ان الامور توصل لهذي الدرجة .

رحنا انا وثنتين من اخواتي فوق الجبل ننتظر طبعا الجبل الي نروح له بعيد شوي عن مكان التخيم .


الحين صار المغرب وبعد اشوي شفنا سيارتين مسرعات وقفوا عن الخيام احنا عرفنا ان عندهم خبر فاصرنا نركض لهم وبعد شوي وحدة من اخواتي جاية علينا تركض وتبكي

وانا ادعي بقلبي يارب اجعلة خير ولما وصلت تبكي اخواتي يقولون لها ايش فيه ويبكون وانا ساكتة ماقدرت اتكلم قالت لقوهم لقوا عيالك وزوجك الحمدللة
وضميتها وجلست ابكي وبعدين صرت اركض وابكي وانا اقول الحمدلله يارب والله مافارقت لساني هذي الكلمة .


ولما وصلت عندهم لقيتهم شيلين بنتي والتعب مبين عليها اخذتها منهم وضميتهاوجلست على الارض والله ماقدرت اوقف وجلست ابكي طلعت الي بقلبي اخواتي سجدوا سجود شكر وصاروا كلهم يبكوا معي حتى امي وجابوا ولدي واخذتة وضميتة قالوا نقطي في فمهم المويه تنقط من الصباح ماشربوا موية فامايصلح يشربوا مرة وحدة .ولما رحت قابلت زوجيي والله ماقدر يوقف جلس وصار يبكي .

اصعب موقف مرة علية انقطعت فيهم السيارة في مكان جوا بوادي ومافية احد .

ومامعهم موية فا ترك السيارة وصار يمشي وعياله معاه الشمس كانت حارة الظهر كان يبي يدور خط السيارة وعيالة تعبوا معاه .


فا شالهم على كتفه وصار يمشي وهم يقولون يابابا نبغى موية ويحاول يصبرهم اخر شي هو ماقدر يتحمل جاء في ضل جبل وجلس وصار يسولف عليهم .وكل شوي يقولوا يابابا نبغى موية عطشانين .....

هو يقول تخيلي عيالي يبغوا موية وماني قادرة اوفرها لهم .
يقول قلبي تقطع عليهم .
وصار شايلهم ويمشي اخر شي ماقدر يتحمل تعب وعطشان وحر وجلس كمان في ظل .
وحاول انة يخليهم يناموا يقول بعدين اغمى علية .ولما صحى بعد العصر لقاهم نايمن وصار يدعي الله انه يفرجها علية .
كان خايف ان عياله يموتوا قدام عيونة فاسبحان الله لما جا المغرب قام ولع نار في الشجر الي عندة وسبحان الله الي كانوا يدورون علية كانوا يبو يروحوا فا لمحوا النار من بعيد راحو لهم مسرعين ولقوه وكان اخوي وزوج اختي كلهم يبكون مهم مصدقين انهم لقوهم ...الحمدلله على كل شي ..


وبعدها جلسنا وصرنا نسولف بالموقف الي صار ..كل اخواتي صاروا يقولون ماشاء الله عليك كيف كنت صابرة والله لوانا مكانك مانقدر نتحمل وحدة من اخواتي قالت وانا اكبر منك مااقدر اتحمل زيك غير اسوي بحالي شي ... قلت لهم هذا بفضل الله الحمدالله انا كنت دائما ادعي الله بالثبات والرضى بالقضاء فالحمدلله الدعاء له دور...

اترك لكم التعليق
:26:
129
10K

يلزم عليك تسجيل الدخول أولًا لكتابة تعليق.

تسجيل دخول

أميرهـ بجمالي
سبحان الله اللي يتوكل على ربه الله ماراح يخذله


ومشكوره عالقصه
مانسيتك ولا دقيقه
ياربييي:(
ماشاء الله عليها
اتاثرت بالقصه
ريمه 2007
ريمه 2007
الحمدلله على سلامتهم وقرت عينك
وماشاءالله قلبك قوي الله يزيدك
اطـيـب قـلـب
اطـيـب قـلـب
ما شاء الله عليك الله يزيدك على هالثبات ويحفظ لك ذريتك
متعـــبه عســافها
اشكر مروركم عزيزاتي
بس القصه مو لي القصه منقوووله
:)