االحين الاجانب صارو يحطون كميرا في البيت ويوصلونهها با الاب توب حقهم ويشوفون كل شي يصير في البيت انا انصح كل ام عامله انها اتركبها وتشوف وش يصير في بيتها وعيالها علشان ترتاح ومره شفت في التلفزيون وحده مسويه ها الحركه وشافت الحراميه لما ادخلو بيتها وكلمت على الشرطه وبلغتهم وهذولاك ما يدرون عن شي

انا نفسي اعرف بجد كيف يبان على الي فيه شر كل الي كشفو شغالتهم كانو يقولون مابان عليهم ولولا الله ثم الكاميره كان مادرينا
اختي انا اختلف معك كثير عيالك اذا يفهمون ويعلمونك اهون شوي لكن الرضيع !! انا ربة بيت ووالله شغالتي زي العسل مع عيالي وتهاوشني اذا عصبت عليهم بس مهما كان ما امنها والله لو اروح دقيه لمستوصف خذتهم معي وحارمه نفسي الزواجات والمناسبات الي مافيها اطفال مهما كان مهي اهم والله اني استغرب من بعض قريباتي الي مو موظفات واي مناسبه والا عزيمه طارو لها وحطو عيالهم عندها حتى لو فيها اطفال يقولون ماعليهم خل نفتك من الصجه !! والي تقول ربات البيوت ينومون والشغاله الي تستلمهم مو كلهم ياماما عيالي ما اطلعهم من الغرفه الا اذا صحيت والجناح مسكر علينا وياما جتنا وظايف اقسم بالله ماتفوت رواتب عاليه ومحتاجين لها علشان نفتك من الاجار ونشتري بيت تركناه علشان هالعيال الله لايحرمنا الاجر

طيب الحين ايش دخل ربات البيوت أبغى أفهم

لعلمك ما أسمع قصص وبلاوي الشغالات على قولك الا من المدرسات هو اللي فيه حكاوي ومره سمعت ومره وحده قالت لي

ما عمري سمعت من ربة بيت قصص عن الشغالات وأنا أولهم لا أحب أقرأ ولا أشوف وان سمعت ما أروح أحكي فيها

وترى مو غالبية ربات البيوت نايمات أو على النت أو في الأسواق على قولك الحمد لله ما يصحي عيالي للمدارس ويفطرهم ويجهزهم الا أنا لا شغاله ولا غيره وما يجيبهم من المدرسه الا أنا ما أرضى يجون مع السواق لحالهم

ما يسوي غداهم الا أنا حتى لو تعبانه أطلب من برى ولا أخليها تسوي لهم شي الشغاله تجيني وتسافر من عندي ما تعرف تسوي رز أبيض

الشغاله لشغل البيت وبس ممكن أطلع من البيت أروح مشوار وأخليهم عندها لكن ما أخليها تسوي أي شي ثاني في البيت لحد ما أجي

يعني ما أضغط عليها بالشغل والحمد لله ما أخاف عليهم

لكن مشكلة الموظفات تبغاها تمسك عيالها في الصبح وتبغاها تسوي شغلها عشان كذا تخاف منها

خايفه أجلسي في بيتك وانتبهي لعيالك وسفري الشغاله ولا تحطين العذر أنك بتفيدين بنات البلد وما أدري ايش

في عازبات يقومون بمهمتك الجليله الله يجزيك خير تاركه بيتك وعيالك عشان تدرسين بناتنا كنه ببلاش عاد

مخلين أنه ربات البيوت تافهات ما فيه في عقولهم غير السهر والأسواق قسم بالله أني مره جلست مع مدرسات أتفه من هرجتهم ما فيه

شفتي العطر الفلاني روعه ......وشفتي المحل العلاني يا عنده بلايز تهبل....ومحل ما أدري مين تنوراته تهوس

وحاسوا في شغله تافهه في الكمبيوتر ماعرفوا يسوونها واتصالات على فلان وزعطان عشان يحلون المعضله والمشكله آخذات دورة كمبيوتر

حلفت بعدها ماعاد أروح جمعة مدرسات تجيب المرض ويا أبله فلانه ويا أبله علانه حتى بين بعضهم قسم بالله قرف

انا احس لواكرمتيها باذن الله ماتضرك وعيالك لاكن عندنا يستقدمون العامله على اساس رجل الي مش انسان اكرميها ولاتحاسبينها واملي بطنها وشوفي *****الله ماراح تضرك

ومن قالك بس الموظفات اللي تحط عيالها عند الشغالة لا يا قلبي فيه حريم ما همها الا السوق وبيت فلانه وعلانة والله حتى السفر تسافر وتخليهم ومعيشة الشغالة في ضغط نفسي حتى الراتب ما تعطيها تقولها وانت مسافرة بعطيك أها يعني سنتين والله أعلم تعطيها ولا...بعد هذا كله وين بتحط حرتها أكيد عالاطفال اللي مالهم ذنب أو السحر اللي أنتشر بشكل خرافي ...
أما اللي تعاملهم بما يرضي الله فربك يجازيها بالاحسان احسانا ..والله يكفينا الشر

أنا مستغربة منكم ليش كل وحدة ماخذه الموضوع شخصي وكل وحده تدافع عن نفسها كلا فيه الخير سواء ربات بيوت ولا موظفات