استشاره جتني وعرضتها هنا .

وحده تطلقت بدون أطفال ..ومحد تقدم لها .
فخطبها متزوج والكل نصحها لا تاخذ متزوج وتتركه لزوجته .والعمر معها وماعندها اطفال والفرصة قدامها ...وحرام تخطفين زوجها اللي هو جاي يخطبها مو هي اللي رايحة له !
المهم أثر الكلام عليها وماقبلت فيه .والكل شجعها وأثنى عليها أنها رفضت المتزوج ونفضوا من حولها
والرجال خطب غيرها وتزوج وخلف .
هذا الكلام له أكثر من عشر سنوات .وخلال هذي العشر سنوات محد تقدم لها ...وتحس باالوحشه اللي حولها الكل تزوج وانشغل بعائلته . وقت الاجازات الكل مسافر يعني حالة فراغ بحثت خلال هذي السنه عن وظيفه لو بدون راتب لكن مع العطالة ماوجدت حالولت تكمل دراستها ماجستير لكن معدلها مايساعد .المهم راحت تبي تكفل لقيط رفضوا لان الشروط ماتنطبق عليها .انه يعيش معها ويونسها .فقط الكفاله في المال .وماخلت دورات وشهادات ماأخذتها محتاجتها او مو محتاجتها حتى صداقه كل صحباتها المتزوجات انسحبا بهدوء بعد طلاقها .وماعندها غير وحده غير متزوجه لكن بعيده عنها مافيه تواصل الا باالجوال .
طبعا خلال العشر سنوات تخللها الشي الكثير أثر ع نفسيتها. المهم ذكرت لكم كل اللي فوق لانها هي موجالسه وحاطه يدها ع خدها هي تسعى لاي شي
يونسها ويغير من حياتها للافضل .وبحالتها تحتاج لزواج لان كل سنه تتقدم بتكون صعبه عليها فيه شي ذكرته وفيه اللي ماذكرته كلمت الخاطبات ولا فيه اي رد منهم ...مع انها ماعندها شروط بس مايكون متزوج . لكن للاسف مافيه .ولاوحده ولا ثنتين
كلمتهم .وبعدين أتجهت للمواقع لكن الغالب لعالبين او يبحث عن موظفه !
وبعد هذا كله .....تقدم لها واحد من معارف أخوها .
ضابط
أكبر منها ب7 سنوات
عنده 4 أطفال
سبب زواجة انه محتاج زوجة 2 بحياته .
الرجال معروف في خلقه ودينه ع كلام أخوها بحكم انهم بنفس الوظيفه . أخوها اعطاه مهله 3 ايام وترد عليه لان الرجال كل شوي يساله .
بماذا تنصحونها ..تقبل ..ولا ماتقبل .؟؟
هي مو صغيرة ...وتقول من بعد المتزوج اللي اللي رفضته قبل أكثر من 10 سنوات عشانه متزوج مادق بابه بعده حتى المتزوج مع سعيها .والان هذا جاها !