ليش جبن البيزا عندي يخرب بالثلاجة؟

السلام عليكم
اخواتي حبيت اسأل سؤال
انا دايما لما اشتري جبن البيزا و أحطه بالثلاجة في أعلى رف يخرب بخلال اسبوع او اسبوعين حتى لو ماكان الكيس مستخدم
مع العلم انه تاريخ الانتهاء يبيله شهوووور
و هو اصلا ينحط بالثلاجة لما اشتريه
فـ .. ليش يخرب عندي؟ يصير ريحته كريهه و ذايب فيه ماي أو يعفن؟؟؟
يعني احنا بالشهر نروح مرة وحدة للجمعية و نشتري الحاجيات كلها و ما فيني كل ما أحتاج هالجبن اروح الجمعية كل مرة ... ابي اشتيريه مرة وحدة و اخليه لمدة شهر
أدري اني اقدر افرزنة بالنسبة للجبن المبشور
بس اللي ما يجي مبشور و يجي قطع كيف اسوي فيه؟ خاصة لو انفتح الكيس لازم اخلصه كامل و اللا يخرب بسرعة اكبر