كيفكم بنات؟؟
هذا الله يسلمكم مره من المرات طفشت من القعده عند التلفزيون طبعا عند مباراة كاس العالم وممنوع اتكلم لان :arb: اعصابه مشدوده مع المباراة
قلت يابنت قومي نامي محد داري عنك
شلت بنتي ورحنا الغرفه وسحبنا امها نومه :)
قمت المغرب اسمع قربعه بالمطبخ اثر ابو الشباب صاير شيف:cook: ويدهر بالمطبخ وطلع لنا بأحلى ايدام بحري شوفوا الصوره
وش رايكم ؟؟؟
طبعا هو رفض يحطه بصحن يقول طعمه بالطاوه احلى:)
المقادير والطريقه:
احمسي فص بصل وفصين ثوم بزيت زيتون حتى يشقر
اضيفي البحريات (من كارفور تجي بصحن فلين) سمك وربيان وحبار ومحار
اذا طلعت مويتها اضيفي الماجي والبهارت (هو استخدم بهارات هنديه) والملح
خليها لين تستوي ماراح تطول اقل من عشر دقايق
اضيفي الفلفل الرومي والبقدونس وخليها شوي
طفي عليها وقدميها وتمتعي بأحلى ايدام
الله يسعدك يالغلا ويحفظلك زوجك وبنتك