انا من راي انك تلغي البابين الي في الصالة الصغيرة الي للمطبخ والخارج وتسوي باب من الخارج للمطبخ الكبيرجنب باب المخزن علشان ريحة الاكل ما تدخل للبيت مباشرة وتفتحي الصالة الصغيرة بقوس على الكبيرة الامامية راح تصير احلى واشرح او تفتحيها بدون قوس يعني اصير السلم في الوسط بين الصالتين وكمان الصالون الي برة اذا انا مو غلطانة ممكن انك تلغي الممرات ترى الممرات تبين البيت صغير على الرغم من اتساع المساحة فلو تلغي الممر الي بين الصالون الخارجي والمطبخ الصغير راح اصير الشكل احلى وممكن انك تعملي قوس على مدخل الصالون جانبي وتلغي الجدار الي فاصل الممر عن الحمام والمطبخ يعني راح اكون مثل الملحق مكون من صالون مفتوح على المطبخ الصغير والحمام بقوس فقط وبعدين المجلس الي لنساء ماله باب لداخل البيت يعني ما عارفة شلون راح توصلي القدوع بلهجتنا الي المجلس صعب انك تدوري على البيت الافضل انك تفتحي باب غلى داخل البيت تقدري تحطيه امام الغرف علشان بعد الحمام اذا احد من الضيوف النساء احتاجه راح اكون قريب ومستور لانه في الممر وهذا راي وشكرا

اتمنى لكم التوفيق انشاء اللة لكن لاحظت عندكم ممرات كثير و هذى هى الى تظيع المساحات صدقينى لو تشيلون الجدار الى بين المجلس و المدخل راح يكون كثير احلى واشرح و راح حتى يكبر عندكم المجلس

الظاهر والله واعلم ان مساحه الارض عندك الطول مو زي العرض

يعني اما الطول اكثر عن العرض بكثير ولذلك ظهرت عندك الممرات بها الشكل

حاولي تتلافينها قدر الامكان..وتوسعي في الغرف شوي..واتمنى الاخوات فادوك

اخواتي العزيزات اشكر لكم مروركم واقتراحاتكم
الحقيقة ان الارض مستطيلة ومثل ما قلت الجزء الخلفي من البيت شقق للعيال بالمستقبل ان شاء الله
لكن يمكن يرضى ابو الشباب افتح الدور الارضي على بعض
كلامك اختي الاجنحة المتكسرة ناسبني ونفس اللي كان ببالي ، وان شاء الله راح اعدل بالمخطط وانزله
ما استغنى عن نصحكم وشوركم .
دمتم بود

السلام عليكم ورحمة الله وبركاته

لاحظت ان الصالات عندك وبالذات حق الشقق مافيها اي نافذه ...يعين ظلاااام وكتمه في النهار

وصعب انكم تستخدموا الاضاءة الكهربائيه في جميع الاوقات... هذا غير ان مافيها تهويه

الحل تخلوا جدار المطبخ المطل على الصاله فيه فتحه زجاجيه او تخلوه كله من الطوب الزجاجي اما كامل او على شكل مستطيل عريض عشان تدخل النور من نافذة المطبخ .. وتكون نافذة مصمته ماتنفتح لانها لو انفتحت ريحة الطبخ كلها بتكون في الصاله لان الصاله مافيها نافذه مفتوحه عشان يصير في تمرير هواء
نظام الشقق مسوينه بشكل يفصل كل شقه عن الثانيه وعن الفيلا عشان كده صعب انكم تشيلوا الجدار اللي بالصاله الصغيره وصعب انكم تلغوا الممر في الشقق لانهم لو انفتحوا بتصير الشقتين كانها فيلا دورين متصله في بعض
وصعب انك تلغي الجدار اللي يفصل الصاله الكبيره بالصغيره لانه لو انفصل ماصار عندك شقه... صار كله بيت واحد

صاله الدور الارضي برضه مو واضح ان فيها اي نافذه ..ليه !!!!!!!!!!

الافضل يكون في حمام بجنب صالون النساء ......... ومدخل النساء ليه مررره صغير !!