المقادير:
ورق عنب مغسول عدل وتقطعين الطرف الورقه
خلطة الرز عباره عن ( رز مصري+بصل اخضر+بقدونس+نعناع+طماط مفروم+البهارات+ملح+ وشوية مكعب ماجي) طبعا هالخلطة كنا مسوين امس ورق عنب وهذا زاد من الخلطه حطيناه في غرشه في الثلاجه
ملة فيها تقربا كاسين ونص ماي مع ملعقتين فلفل اسود وثلاثة ارباع مكعب ماجي وملح حسب الرغبه
ليمون
زيت زيتون
وبايركس
صفي اول طبقة الورق العنب
حطي طبقة من خلطة الرز بس تكون رقيقه لان حطي في بالج حبة العيش مع السوى بتكبر
وكرري نفس العملية على حسب كم طبقه تصير معاج بس اخر طبقة تكون الورق العنب
بعدين جيبي الملة اللي فيها الماي +والماجي+والفلفل الأسود +والملح
صبيها شوي شوي بالملعقة
اخر شي غطيها بالقصدير وتكونين مشغله الفرن من تحت وفوق ودخليها الفرن
باقي الطبق بعد مايخلص من الفرن :)
طبعا بعد ما تطلعونها من الفرن تحطون الليمون والزيت زيتون عليها وتاكلونها بألف عافية