خليت ولدي الصغير يشتغل ببنده

السلام عليكم
ويسعد لي صباحكم

الله يسلمكم قبل كم يوم رحنا بنده نتقضى ولمن جينا عند الحساب وقفت بعيد شوي وزوجي يحاسب والعامل البنغالي يعبي الكياس وولدي (10) وبنتي (7) الله يحفظهم يتضاربون مع بعض ويجاكرون بعض ويجرون قدامي بلا هدف ناديتهم قلت لهم روحو عبو الأكياس وحطو الأغراض بالعربية وفهمتهم يفرزون الاغراض وهم يحطوها اللحوم مع بعض والمعلبات مع بعض وهيك يعني بالبداية ولدي استنكر وقال ليه انا بنغالي؟؟! قلت لا انت سعودي والنعم فيك بس عادي مافيها حاجه تعبي الاكياس قال عادي؟ قلت ايوا عادي ياحبيبي جرى وقام يعبي الاكياس هو واخته واشوفهم يعلمون بعض ويفرزون الاغراض واحيانا يطالعوني يشوفوني راضيه عن شغلهم او لا
بعدين كلمني زوجي وقال ليه خليتيهم يعبو الاكياس كان خليتو العامل يعبي هذا شغله قلت ادري انه شغله وانه ياخذ راتب مقابل هالشي بس انا حبيت ازرع بنفس عيالي ان اي شغل مهما كان تافه وصغير مو عيب ان الواحد يشتغله ويسويه
الموقف هذا خلاني افكر كثير قلت ان سبب البطاله بالبلد التربية مو الفساد الادراي
جالسين نربي اطفالنا على الكسل والاتكاليه وان في اشغال مايشتغلها إلا عمالة اجنبية ونستقدم عمالة اجنبية سواء سواقين وخادمات ونظافة وحلاقين ووووووو كل اللي يقومو بشغلنا ويخدمونا اجانب احنا جبناهم بكااامل ارادتنا وعودنا عيالنا ع الكسل ويدورون بلا هدف .. طيب احنا جبنا هالعمالة محد ضربنا على يدنا نبغى الترف والرفاهية واللي راحو فيها عيالنا تعودو على هالعيشة وصار عيب الواحد ينظف شوارع بلده او يحلق شعر ولد بلده وغيرها من المهن كثيييره
اتمنى اننا نربي جيل جديد ونزرع فيهم حب الوطن الحقيقي .. حب الوطن مو الطلوع بمسيرات مجنونة وصراخ ورقص لا حب الوطن هو اني اخدم وطني بنفسي بكل المجالات مو اجيب ناس يخدمون هالوطن وانا انتظر وظيفه مرموقة تناسب مستوايا .. خلينا يد وحدة وننتج جيل جديد يخدمون هالوطن ويصير حلالنا منا وفينا ونقول باي باي للعمالة الأجنبية ونعيش بامن وامان مهما كان محد بيخدم ويخاف على هالوطن مثل شعبه

اتمنى رأيي يعجبكم