كيف تنسقين المكياج على تسريحتك

مساااااااااااء الخير
والله هالموضوع عجبني لا تخافين مو بس انت حوسه كلنا بس الحين تسنعت ورتبتها عدل
شوفي وش سويت
حطيت علب الشدو والبودره وكريمات الاساس والبلاشر الخ في الدرج اللي في التسريحه
وحطيت على التسريحه العلبه حقت الارواج اللي مقسمه وفيها الارواج والمحددات والماسكار واقلام الكحل بس طلع شكل التسريحه مررررررتب
والعطورات قالي صاحب المحل مره حطي العطر في كرتونه داخل الدرج او الدولاب في مكان مظلم يعني بعيد عن النور علشان ريحه العطر ماتخيس وفعلا جربتها وطلعت رووعه اغلب العطورات اللي شريتها ومااستخدمتها صارلها تقريبا سنتين والى الحين ماخربت ولا تغيرت ريحتها
والله ان ادوختك بكثره كلامي وجربي وحطي اغراضك مثلي وشوفي وشلون بتصير التسريحه

المذهله اهلين
شوفي بصراحه انا معظم ماكياجي في الدرج لكن بطريقه مرتبه جدا
احطه في علبه كبيره مقسمه مستطيله ومالها غطاء وبالصدفه صارت على مقاس الدرج لان الدرج حقي كبير
طبعا قسم للارواج وقسم للاساس وقسم للبودره وقسم للشادو وقسم للمناكير وغيره....
وعلى التسريحه من فوق شريت علبه قزاز مستطيله طويله (اصلا هي فازه للورد) من ايكيا يجي ارتفاعها تقريبا 10 سم
وبما انها قزاز شفاف احط فيها المحددات واقلام الكحل والمسكرات اوقفهم فيها وبذلك اقدر القى الي ابغاه بسهوله لانها شفافه
العطور ارتبها على التسريحه بشكل مرتب لاني ما احب الاشياء الكثيره تكون على التسريحه وطبعا جنب العطور عندي علبه فخمه مره احط فيها المجوهرات
وسلامتكم

كان <<<<في قديم الزمان ..
مرتبه طقم العطر فوق التسريحة وفرش وكريم الشعر بجهة والمكياج يكون بدرج التسريحة بس مع العيال الله يصلحهم مافي امل احطهم على التسريحة اروح وارجع اشوف الروج بااااح مافي كله بوجهم ولا بيدهم ولا يرسمون فيه ؛؛؛<<<< عندهم حس ابداعي شكلهم بيطلعون فنانين <<< اي هين خخخخخخخخخخخ
اشتريت شنطة مكياج وهي تجي مقسمة تحطي فيها اغراضك وفيها قفل <<< هذا اهم شيءعن العيال لايحسونها ..
والمحددات حطيتهم بعلبة هي خاصة للأقلام انا احطهم في العلبة...
او احط المحددات بشنطة مكياج مستطيلة صغيرة..<<< وفي دقيقة احوس الترتيب كله خصوصا إذا مستعجلة <<<< مافي فايدة خخخخخخخخخخ....

:26:

والله كان زمان هالترتيب يامشرفتنا المبدعة.:27:
الحين مع العيال الله يصلحهم .. دوام الحال من المحال
بس مع كذا قدرت أترتب.. لأني ماعندي دروج كبيرة تنفع أني أستخدم نفس ترتيب الأخت كارولين عشان كذا شريت مجموعة من العلب بمقاسات متدرجة وزينتها بديكور موحد مناسب لديكور غرفة النوم وفصلت أدوات المكياج على حسب كميتها علي العلب ..:cook:
كني طباخة جالسة توزع المقادير
المهم نرجع لموضوعنا .. لأن الأرواج عندي بكميات كبيرة حطيتهم في علبة حجمها مناسب لكميتهم ..
الأساس وكريمات العناية بالبشرة بما أنها تمتاز بأنها ذات علب طويلة أضطريت أستخدم أكبر حجم من العلب علشان ما تعيقني في ترتيبها
علب الشدو والكحل والماسكار خليتهم مع بعض .. أما أصغر علبة فاستخدمتها لوضع علب أحمر الخدود بدرجاتة المختلفة والبودرة المضغوطة..........:26:
وصفيتهم ورتبتهم على جنب بحيث أضافت شكل جمالي ديكور في نفس الوقت..
بعد كذا جهزت علبة مختلفة في الشكل بس لها نفس ستايل العلب السابقة ..وحطيت فيها المكياج اللي أستخدمة بشكل دائم خاصة قبل ما أروح العمل علشان ما أتعطل ..
أتمنى أني أكون قدرت أفيدك يالمذهلة بتجربتي..
وعقبال ما تخف حوستك يارب
.............. ودمتم سالمين..............:26:

ياسلاااااااااااااام عليكم ياقماري
بنت الحفر
كارولين
شوكولاته
Violet_3000

يعطيكم العافيه
وين الباقيين
اما ماعندهم تسريحه ولا ماعندهم مكياج :27:
بانتظاركم