توني عروس وتعالوا شوفوا تصرفات زوجي الغريبه

( توني راجعه من شهر العسل وسويت اول غداء ويوم خلص ابو الشباب قال هاتي ماء بغسل يديني ناظرت فيه مستغربه لقيته يطالع التلفزيون ومو معبرني
استحيت ورحت جبت له ويوم خلص قال جيبي منشفه وجبت له وبعد شوي قال ابغى اشرب ماء وسكت ورحت جبت له
ويوم جاء ينام راح للغرفه وما اخذ جواله ويوم دخلت بنام قال جيبي جوالي
تذكرت يوم كنا بشهر العسل كان يمر من عند المطبح ويروح للغرفه ثم يقولي جيبي ماء بارد بشرب وكنت اجيب له عادي مادريت انه كذا
علشان كذا حطيت عند راسه جيك ماء بارد وغطيته زين والكاس اغيره كل يوم
ابوي وهو ابوي وشايب اذا جاء بينام يروح للمطبخ يشرب ماء وياخذ معاه كل اغراضه
( جواله وسبحته وبوكه وعصاته )
حتى قبل الاكل وبعدالاكل يروح للمغسله يغسل يديه وما قد قال جيبوا لي ماء بغسل
انا خايفه يتعود على هالشي ويصير لازم بعد كل وجبه اجيب له ماء يغسل وهو جالس

سلامات

والله لو رجله مكسوره من عيوني الثنتين
ولحد يجي يتفلسف ويقول الرسول يقول لو امرت احد ان يسجد لغير الله لامرت المراه ان تسجد لزوجها
الرسول يوم قال هالحديث كان وقتها يغسل ملابسه بيده الكريمه ويعمل اعماله بيده ومايتكل على احد
وبعدين ذاك اول يوم الرجال رجال مو اللحين يقعد في الاستراحه ويحلل على نفسه كل شي الشيشه والدخان والغيبه والحش ولايصلون الوتر يقضونها سهر على البلوت وإذا جاء النهار قام يفتي ويحرم على زوجته وقرن في بيوتكن وقال الله وقال الرسول وإذا جيت تناقش في الدين ماعنده سالفه

المهم

كيف اخلي يتعود بعد الاكل يروح للمغسله يغسل يدينه ويخدم نفسه بنفسه