كل من عندها طفل يعاني من خلع ولادي بالوركين تدخل ضروري...

الأمومة والطفل

بسم الله الرحمن الرحيم


خواتي بنات المنتدى أنا بعد يومين ولدي راح يسوي جبيرة للوركين عشان عنده خلع ولادي بالوركين والجبيرة راح تكون تقريبا من البطن لحد ثلاث أرباع الساقين وراح يكون بين الساقين قطعة خشب بالعرض يعني مافيه أمل أقدر البسه بنطلون والجووووو باااااااااااارد فياليت تقولون لي وش أقدر البسه في هالجو ولا أقدر أأجل موعد الجبيرة لانه من عمره خمس شهور وأحنا في إنتظار هاليوم
مع العلم إن عمره الآن تسع شهور وكم يوم... تكفوووون ساعدوني عسى ربي يفرج همومكم...

ياليت اللي عندها تجربة أو مرت عليها مثل هالتجربة تفيدني ...:44:
11
8K

يلزم عليك تسجيل الدخول أولًا لكتابة تعليق.

تسجيل دخول

واحة نفسي
واحة نفسي
الله يكون في عونك حبيبتي انا طفلي الاول كان عنده خلع من ولاتها بس الحمدالله محتاج انه يجبر بس كانت البسه بامبرز ثنتين فوق بعض المدة شهرين والحمدالله جبرة انصحكي في انوع كثيره من البطنيات تجي بشكل جيب يمكن تنفع معه او بناطيل مقاس كبير الله يعافيه لكي
**نوارة**
**نوارة**
شوفي الجبيرة راح تدفي رجوله ولبسيه فوقها من تحت شراب
واهتمي بالجاكيتات والبلايز واكيد راح يكون طول وقته منسدح غطيه بالبطانية
بنتي جلست بالجبيرة 7 اشهر اي سؤال انا بالخدمة
**نوارة**
**نوارة**
علي فكرة هالجبيرة راح تجلس 6اسابيع بس بعدين يفكونها ويخلونها من الورك لين تحت يعني بعدين يقدر يجلس بالجبيرة
جوري أم الورود
أختي واحة نفسي إحنا ما اكتشفنا الخلع الا لما صار عمره 5 شهور وللأسف مقدر ألبسه بناطيل عشان الخشب اللي بيكون بالعرض بين رجلينه يعني مافيه مجال

شاكرة لك اهتمامك وجزاك الله خير .
جوري أم الورود
أختي tvhs123 روحي عساك بالجنة ماتدرين وشكثر ردودك ريحتني وطمنت قلبي وفعلا أنا سمعت إن الجبيرة بعد شهر ونص تتغير ويحطون له غيرها بس ما كنت أدري انهم بيصغرونها
الحمد لله إن السالفة كلها خلع وبيتعالج إن شاء الله ، الحمد لله إنه مو شي أكبر ودام إن رجلينه بتدفى بالجبيرة فإن شاء الله كل شي راح يتيسر.

شاكرة لك أختي الكريمة وعسى ربي يحفظ لك عيالك ويجعلهم من حفظة كتابه الكريم ...