حبيبتي الياسمين مسكورة يالغلا ع النصايح انا الحمدلله من النوع الي ارتب اول بأول وماحب التسويف بس مشكلتي الغرفه مبيره وبها اغراض واجد يعني سرير لنا وسرير للطفل وكنبات وكبت لنا وكبت للطفل وطاوله كمبيوتر بعد وطاوله حج اغراضي>>>> حشى مو بغرفه الا شقه هههههه المهم يعني هذولا الاغراض ماخذين مساحه عشان كذا لو شي تحرك من مكانه تظهر الكركبه ... بس احاول ارتب كل شي بس البخاخ حج الحمام شو بالضبط احط له انا عامله بخاخ فيه مويه وديتول وشوي داوني ينفع ابخه للجدران للتنظيف ولا اعمل واحد ثاني؟

صحيح ماخبرتكم اش رتبت اليوم الله يسلمكم انا اليوم نشيطة غصبا عني بنتي قامت من 7 ونص الصبح وقمت طبعا معها واستغليت الفرصه كويت الملابس وقلت انجز شي اليوم ورحت لطاوله الكمبيوتر وفتشت الاوراق العتيقة مال زوجي الله يصلحه يحب يحتفظ بكل شي ورتبت المهم ورميت القديم ونظفت طبعا الكتيبات الموجودة من الغبار وبس خخخ شايفاته انجاز الاخت هههههه اعذروني ع الاخطاء الاملائية اكتب ع السريع ومانتبهت

رجعت من جديد طبعا صحيت من6 بس جلست اتسدح شوي على الكرسي كسل خخخخ بعد ماشفت موضوعك نقزت للمطبخ غسلت مواعينه ومسحته سريع لانه نظيف يدوب بس مواعين بسيطه
بنتي صحيت معي ام 9شهور روشتها وجلست معها الى 8 ونيمتها رحت للغرفه الثانيه لميت العاب ولدي الله يهديه يحب ينثرها نثر 
ونمت من9 الى11 حطيت الغسيل بالغساله وكنست الصاله والمحالس ومسحتهم و طبقت الملابس كل  احد ب و ابه ورتبت غرفه النوم وبخرت البيت الحين وشغلت الفواحه اكمل الغسيل واسوي غداي وبس خلصت 

بيتي الحمدلله هالاسبوع محافظه عليه لاني نفضته نفض الاسبوع الماضي  مسكت كل غرفه ونضفتها تنظيف شامل والمطبخ وسويت تصفيه للملابس والحمدلله حسيت بيتي ترتب  كثير عن اول 
طبعا بيتي اربع غرف مجلسين وغرفه نوم وغرفه معيشه وجلستنا بالصاله وحمامين تكرمون ومطبخ وبس شقتي على قدي 

بس گيـــــــف احافظ عليه الحين علشان لا اخربطه واكركبه

صحيح اعطوني طريقه ترتيب دولاب المطبخ بالسلال لاني رايحه ايكيا وابغى اعرف ايش اشتري 

في موضوع وحده هنا نزلته بالفيديو بس للاسف حدفو الفيديو المشرفات لانه غير مباشر ياليت اعرفه علشان اعرف

 مساء الخير
اهلين ي الياسمين
هذا يومياااتي اليوم  
صحيت اليوم ع 12 وصلحت الغداء وبعدين نفضت الغبار باالريش ورتبت غرفة المعيشه وغرفة النوم وكنستهم وغسلت المواعين باقي المجالس والصاله وحمام الرجال الله يعين