يسعد صبآحكم / مسآئكم
هذا اول موضوع لي هنيا
اتمنى انه يعجبكن ،
صينية مكرونة بالدجاج..
المقادير:
مكرونة اي شكل انا استخدمت الطويله لانو ماعندي غيرها ؛ بس الافضل تحطين اللي علا شكل دوائر صغار ،
تسلقينها بمويه وشوي زيت ومكعبين ماجي..
صدور دجاج تقريبا صحن
نص فلفل رومي اخضر مقطع مكعبات صغيرة
جزر مبشور
نص بصله وفصين ثوم
ومكعب ماجي
فلفل اسود واحمر اللي تبين,وكمون مطحون.
اول شي تكشنين البصل والثوم وتحطين عليه الفلفل الاسود والكمون،
بعدين تضيفين الدجاج وتقلبينه علا نار هادئه ،
لين تلاحظين انه بدأ يطلع موية الدجاج ثم اضيفي الفلفل الرومي والجزر وفتتي مكعب ماجي فوقهم،
واستمري بالتحريك لين تستوي الدجاج وتنشف مويته..
جيبي المكرونه المسلوقه( انا اضفت لها شوي خضار مثلج اللي يجي جاهز عشان الشكل بس) وحطيها في الصينيه..
وحطي عليها الدجاج اللي سويناه واخلطيهم سوى
بعدين بالخلاط حطي علبة قشطة وملعقة مايونيز وملعقة زبادي وملعقتين جبن سائل(بإمكانك الاستغناء عنه بجبن مثلثات ٢)، وفص ثوم >> سر النكهة
وصبي الخلطة فوق الصينية، وذري عليها جبن موزريلا( موشرط )
ودخليها الفرن تقريبا عشر دقايق بس وتتحمر من فوق
وهذا صحني :)
وبالهناء والعافية :26:..
دعواتكم ياحلوات ..
