لا حول ولا قوة الا بالله
الله يحفضنا واولادنا وجميع المسلمين

بنات شسوي توها داقه علي وحالتها النفسيه دمار كل ساعه سئلت ولدها واكد لها السالفه تقل ودها تموت ولا شوف هالساعه لان كل ماتخيلت هالموقف جنت

والله مدري وش ارد عليكي بس حسبي الله ونعم الوكيل


الله يحمي عيالنى وبناتنا وعيال المسلمين وبنات المسلمين


ويحفظهم من كل شر ومكروه

خليها تودي ولدها طبيب نفسي لان اللي سواه هالزفت شي مب سهل وصعب على الطفل انه ينساه وبنفس الوقت تدير بالها على عيالها ويا اختي بهالزمن ماتأمنين بحد ابدا ابدا انا خواني ما اامن فيهم من كثر ما اسمع عن بلاوي !!! يعني خليها تكون قريبه من الولد وعلى طول الحوار والنقاش مفتوح بينهم وتصير مثل الصديقه له عشان تعرف شو يدور في باله اول باول
وبنفس الوقت تشغل وقته باي شي مفيد عشان مايقعد بروحه ويتخيل اللي كان يصير ويقلده ولا تخليه يروح ينام بفراشه الا لما تحس انه على طول بينام او تقعد وياه لين ينام وتطمن من وقت للثاني

خوفيه من الله وقولي له ان حتى لو نحن مانشوفك لما تسوي شي غلط الله يشوفك ومايحب اللي يسوون شي غلط مهما قفلت على نفسك او تغطيت الله يقدر يشوفك واللي سوا فيك هالشي الله بيحاسبه وبيعاقبه

نصيحتي الثانيه لك اختي صح الولد غلط اللي سوا كذا بهالطفل بس ثقي تماما انه هو ضحيه حاله حال هالطفل يعن يتعرض لنفس اللي تعرض له ولد صديقتك !!! بس مالقى من يكلمه ويعالجه عشان يترك هالشي كبر وصار عنده مثل الانتقام صار يبغي يسوي بعيال الناس نفس ماسوو فيه !!!
هذا مريض نفسي وحرام ينطرد برا البيت هذا اكبر غلط لانه بحاجه لعلاج وبحاجه لوقوف امه وابوه معاه وبكره لو انطرد راح يسوي بعيال الناس اكثر من كذا ويمكن توصل به الرغبه بالانتقام انه يقتل ويغتصب ووو خليهم ياخذونه لاقرب طبيب نفسي ويعالجونه واذا ممكن بعد العلاج بسنتين ثلاث يزوجونه عشان لا يرجع لهشي

الله يستر علينا وعلى عيال امة محمد ياااااااااااااااااااارب هالزمن يخوف وصار الواحد مب خايف على نفسه وبنته بس الا خايف حتى على عرض اولاده وعجيزه !!!

والله يا عمري حاسه فيها وما الومها لاني تعرضت لنفس موقفها يمكن هي اهل الولد اعترفو واعتذر وحاسبو ولدهم اللي تعرض لبنتي امه لو تشوفه بعيونها شو يسوي تقول لا يمكن يلعب وياها يعني مستحيل تصدق اي شي في عيالها انا وكلت امري لله وقلت حسبي الله ونعم الوكيل ماهمني هالولد همتني بنتي وهذا اللي المفروض صديقتك تسويه تخلي عنها البكا والنحيب ولا تقعد تذكر ولدها بالسالفه كل شوي لان هذا طفل بيتخيل نفسه ضحيه ويمكن تتدهور نفسيته بزود خليها تاخذه لمعالج نفسي او حتى تستشير حد متخصص بهالحلات وتعزز من ثقة ولدها بنفسه لان اللحين هي مب بيديها تجيب مساحه وتمحي اللي صار من عقل ولدها خلاص اللي صار صارر بس عليها اللحين تعالج الولد وتدير بالها على عيالها اكثر
وصدقيني هذا طفل وبينسى بسرعه خصوصا انه ماتطور للاغتصاب او نزيف او او يعني كان التحرش سطحي فهذا اهون من غيره صح صعب بس بعد مايتقارن بالاغتصاب