السلام عليكم ورحمة الله وبركاته
من فترة وبنتي نفسها تسوي لازانيا وكل يوم تزعجني يمه بسويها يمه بسويها
قلت مع زنها هذا يالله ورينا شطارتك ووراي عالمطبخ وهي طايرة من الفرحة
تبغى تنجز شي على الرغم من انها ماتطيق الطبخ بس لاني كل يوم امدح ببنت فلان
وفلنتان بدت الغيرة تشعلل فيها خخخخ احسن لمصلحتها ابغاها تصير سنعة وسنافية مثلي خخخخ :42: << ياااواااثقة
المهم الطريقة اخذتها بنتي من كتاب ( ام ريما ) وبدت تطبقها خطوة خطوة والحمدلله
انجزت الطبخة وصارت ولا اروع ماشاءالله تبارك الله ..
مالكم بالطويلة
اليكم المقادير :
9 شرائح لازانيا مسلوقة
بصل مقطع قطع صغيرة
ثوم مفروم
فلفل اخضر مقطع قطع صغيرة
طماطم مقطع قطع صغيرة
لحم مفروم مسلوق سابقا
مكعبين ماجي
صلصة
قليل من صلصة سومطرة الحارة
بهارت وفلفل اسود
سمن او زبدة
خليط الباشميل ( 4 ملاعق حليب بودرة + 4 ملاعق دقيق + كاس ونصف ماء + مكعب ماجي
+ فص ثوم مهروس + رشة فلفل اسود + قليل من الملح ( عند الرغبة ) جميعهم على النار
الى ان يثقل الخليط ثم يرفع عن النار ..
الطريقة :
يكشن البصل مع الثوم بالسمن او الزبدة ثم يضاف له الطماطم والفلفل الاخضر
ثم اللحم المفروم المسلوق ثم الصلصة والماجي والبهارات ويترك على النار الى ان يتسبك
في نفس اللحظة نكون سلقنا اللازنيا ووضعنا الطبقة الاولى من اللازنيا في الصينية كما في الصورة
ثم اضفنا عليها طبقةاللحم المفروم كما في الصورة ايضا
يصب قليل من الباشميل على خلطة اللحم المفروم كما بالصورة
ثم نضع قطع من شرائح الجبن طبعا بنتي قطعتها اطوال كما بالشكل
ثم نضع مرة اخرى شرائح اللازانيا ومرة اخرى طبقة ثانية من اللحم المفروم
ثم نصب خليط الباشميل مرة اخرى ونغطيه بشرائح اللازانيا ومرة ثانية باشميل ونصف فوقه شرائح الجبن
وندهنه بالبيض وندخله الفرن لمدة ربع - نصف ساعة بالكثير ونحمره من فوق مثل الي بالصورة
بس مشكلة بنتي استعجلت شوي وهو ساخن قطعته وحطته بصحن عشان تصوره ( التصوير مش ولابد ):42:
والباشميل احس انه شوي ساااايح عاد معليش اعذروها هذي اول مرة
وان شالله المرات الجاية تنجز افضل وافضل من كذا
عاد هي اصرت انها تشوفون طبختها يالله اعطونا ارائكم
لاحرمكم الله الاجررررررر..
اول طبق لاول وحدة ترد :42:
( الصور حملتها من جديد لعيونكون ):26: