اشكركم جزيل الشكر خواتي
جميلكم على راسي احتويتوني برقيكم وترحيبكم

الله يحيك عندنا ونفتخر بمجوارتك يالغالية
عندك بعشرة الاف في السنة تحصلي

وبخمس عشرة تحصلي شي نظيف يعني كل ماتدفعي اكثر تحصلي شي احلى

وربي يسهل عليك السكن بالمدينة

احب بصمت

ياحبي لك ولهالالسعار ياليت تدليني فين الاقيها اذا احنا ساكنين غرب المدينه والاسعار عشرين وخمس وعشرين كيف عند الحرم

سمرقند مابي اخوفك من الاسعار بس ترى فعلا قريب الحرم نار وزي ماقالت وحده من الاخوات مادام حابه يكون لك بيت فيها مو لازم عند الحرم اشتري في اي منطقه وطبعا مو لازم تكون مرره بعيده بس تكون على الاقل ارخص شوي
عموما قلبوو زي ماقلت لك اذا حابه اسئلك ماعنديش مانع ارسلي خاص ولا يهمك ويمكن البنات يفيدوك كمان

سلااام ياقمر

احب بصمت مشكوووورة حبيبتي هالاسعار للايجار والا بيع ؟؟؟ لانها رخيصه مرة

كوين المدينه ايه اللي يم الحرم غاليه حيل بس الحين قاعدة ادور بالعزيزيه لقيت جم موقع عطونياه البنات واسعار الاراضي حيل رخيصه او بالاحرى سعرها فيها يعني لقيت ارض 800 متر بالعزيزيه 180 الف شرايكم زين سعرها والا غالي مقارنه بالاسعار اللي عندكم

هالاسعار بالنسبه لنا بالكويت خياليه والا شقه عندنا اقل شي 900 الف ريال تخيلو الوضع عندنا فعشان هالسبب مااعرف هالاسعار عندكم هل هو غالي والا زين ؟؟؟ ردو علي اذا زين باخذ قرض واشتريها واتوكل على الله

عزيزتي اسأل الله الحي القيوم ان تكوني من اهل المدينه في حياتك ومن اهل البقيع في مماتك

ومثل ماقالو الاخوات جنب الحرم مافيه الاشقق وغاليه جدا فالافضل تشترين فله اوشقه في اي مكان في المدينه واصلا المدينه صغيره وممكن تلفينها كلها في ساعه

اخويه له شركه تبني فلل انيقه وتختارين كل شيء فيها حسب طلبك ويسلمك اياها بعد سنه تقريبا

واذا ميزانيتك حلوه فبأذن الله تلاقين قريب من الحرم شقه حول السعر اللي ذكرتيه اوممكن اقل اواكثر حسب الشقه

على فكره اعرف اخوات كويتيات كثير في المدينه يعني ان شاءالله ماتشيلين هم الغربه