صباح الخير ومساء الخير للي مو في السعوديه
شفتوا تطورت صرت اعرف افرق بين الوقت
قبل امس اختي كان عندها مؤتمر ومع ناس هاي كلاس وكان على شرف حرم الملك
شفتوا اختي كشخه
كان يتكلم عن المشاريع والتجاره وشلون الوحده تبداء وتسذا
المهم اختي جت وسكتني بالشنطه وترى هذا معناته انها موصله حدها لان شنطتها غاليه عليها من فليسل=اتها ولا لو امي اللي شاريتها كان قد اكل عليها الدهر وشرب
المهم مالكم بالطويله اسمع بالاختصار
الا الشنطه في وجهي بسم الله علي وتجي بنتي تفزع وتزاعق على اختي تقول لاتعورين ماما بعدين مانسافر اهم شيء وناستها بس
وانا كلي فاقة خشتي بعرف سبب الضربه الا تقول مالت عليس
انت كنز بس ماعرفتي وشلون تستغلينه الحمد الله ان فيه احد حس بقيمتي ومكانتي الاقتصاديه
تقول ان فيه وحده بتد تجارتها بحلى ومعجنات وصار الحين لها محل واثاريني جايبه منه في نفاسي وكلفني الشيء الفلاني
والثانيه تصمم مجوهرات والثالثه تخلط عطور ومن هالمشاريع اللي مايبي لها راس مال
وقالت ليش ماتستغلين موهبتس بدل هالزحف
واحب اقول لكم مواهبي الفضه الله لا يضرني ويخليني لاهلي ورجلي وبنتي وعماني وخلاتي وللامه السعوديه محد جاب خبري ادري بس بكبر راسي
انا واعوذ بالله من كلمت انا لي نفس في الطبخ يعني ممكن اشتغل وابيع بس هيات هيات
ومدرسه جيده لجميه بنات وصديقات العايله ومن جد بدون مدح لنفسي صاروا الناس يحجزوني قبل الامتحانات بفتره بس تراني بلاش
لي في التصميم الخلاقين بما اني من محبات التفرفر والقش من الاسواق
بس كل هالاشياء بدون مقابل ببلاش
لو اني اخذ عليها فلوس كان الحين صرت مع اختي في المؤتمر
دايم تجيني افكار بس القى المبطين من اهلي ورجلي
يقولون اذا بتشتغلين اشتغلي بس شيء عليه القيمه
يعني مو طبخ ولا خربطه
لا اسوي لي شغل براس مال مثل مشغل وانا متردده لان خرابيطه واجد
يعني اهلي يبوني احافظ على البرستيج والمكانه ويقولون ماناقصتس شيء
بس تصدقون اثري مخفه بس عاد مو كل ابو دايم على قولت بنتي بس الاشياء اللي اسويها احتسب الاجر من ربي مثل التدريس ولا يوصيني احد اقش له لبس ولا لعياله
ماتلاحظون اني صرت زي نيراز بس هي ماشاء الله عليها كلامها درر وانا كلامي برر
صباح الخير ومساء الخير للي مو في السعوديه
شفتوا تطورت صرت اعرف افرق بين الوقت
قبل امس اختي كان...
ونيرااااااز طبعا مايحتاج نقولك انتي نوراة هالحمله واصلي واحنا وراكي