زووجي هاجرني ف الفراش لمدة 5 سنوات وش الحل

طبعا مشكلتي ماراح تكون جديده عليكم ابد واتوقع اغلبكم يمر فيها 
زوجي بارد في كل شي 
بخيل فـ العاطفه 
تخيلوا يابنات ابسط شي لما اقوله ( أحبك ) يرد علي شكرا !! 
فيه أحد يرد هالرد !؟ اتوقع حتى البزر بيعرف يرد احسن من رده 
ولما ارسل له شي بالواتس طبعا غزل و اشياء زي كذا مايرد علي ويطنش 
ولما اسأله وصلك شي مني يقول ايه طبعا اسكت انا واتحطم 
غير بروده في العلاقه يعني بالكثير مرتين بالشهر واحسها تأديه واجب بعد 
وبدون نفس طبعا لا تقولون كيف عرفتي لأن كل وحده تفهم زوجها 
المهم يابنات انا مررره متضايقه بموووت ضييق 
حتى سوالف مايسولف معاي بس لما يكون مع اصحابه اشوفه بشخصيه ثانيه تماما 
افتح معاه سوالف بس يرد بكلمه ويسكت صرت اكرهه اني اتكلم معاه 
زوجي يمووووت في بنااااته ويهتم فيهم كثييييير وحده من بناتي عندها مرض مزمن
ودايم يتعذر فيها انو نفسيته تعبانه عشانها مع انو حتى انا امها واكييد بتعب عشانها
بس ماسويت مثله يعني خلاص ربي كاتب لها هالمرض لازم نتقبله وهي الحمدلله 
عايشه بيننا وصحتها زينه بس برضو حالته ماتغيرت هي نفسها 
ياانه برا البيت ياانه جالس معانا بس ماسك جواله ومشغول فيه ومو معطيني اهميه 
بنات ادري كلامي مخبص بس من القهر اللي فيني اشوف حولي بنات ايش ازواجهم يدلعوهم دلع 
وهم اقل مني واتسائل ليش ياربي !!؟؟ كلمته كثير وقلتله لو فيه شي مضايقك مني علمني واغيره لعيونك اهم شي مايكون بيننا هالجفا والحياه الكئيبه بس يرد علي ويقول لا مافي شي ابيك تغيرينه
طيب والحل ؟؟! الى متى وحنا كذذا 
يابنات حتى ماينام معاي بنفس الغرفه ينام لحاله ، نصحى من النوم اجهز له فطوره ويطلع
وماعاد اشوفه الا بالليل يجي يتعشى ويجلس شوي ع التلفزيون بعدين يدخل ينام
وهذي حالتنا دايم بموووت وربي بنووت قهر حسيت نفسي مزهريه جالسه معاه فـ البيت 
والله اكتب لكم ودموعي على خدي تدرون ليه ؟؟! صارله اربع ايام غايب عن البيت 
ولما رجع حضن البنات بقوووه وانا جيت اجري لعنده اضمه ضمني بكل برود
وقال بدخل انام ولا حسيته مشتاق لي ابد مع اني كنت مشتاقه له حيل 
انكسر قلبي وانخذذلت حيييل رحت لغرفتي وانعزلت بعالمي كالعاده
بنات انا كتبت لكم لاني تعبانه وابي افضفض ابي احد يواسيني 
تعبت منه ومن بروده اااااه بسسس