والله مالقينا وظيفة لا في بنك ولاغيره <<وااااا

اهلين بالجميع ... انا توني اشترك عندكم بالمنتدى

<<<<<<<< موظفة بنك ماعندها وقت تحك شعرها :)

اسلمي يااختي وش تبين تعرفين انا تحت امرك

انا مريت عل كل شي بالبنك مسكت اشراف ( اداره ) ومسكت صرافه وخدمة عملاء وخدمة خدمات خاصه يعني بتاعة كله ... بس ترى توني صغيره مالي الا كم سنه بس... لاتتوقعين اني عجوز :)
بس بصراحه شغل البنك جدا جدا جدا متعب وخصوصا لاشفتي العالم من حولك باجازه وانتي قاعده تكرفين ليل نهار وخميس واجازاتهم جدا سيئه وحضورك وانصرافك ... بصراحه الي مابعد اشتغلت بالبنك لاتفكر تتوظف فيه لانها ان توظفت ماعاد طلعت وان قعدت بتتعب ...

انا هالحين قاعده افكر استقيل بس اخاف اطفش لاني مالقيت اي وظيفه بديله

مشكورة لكل الاخوات اللي ردوا وشكرا للاخت الم الصمت بس يااختي وش هالتحطيم طيب وش نسوي وظايف في مدارس حكومية مالقينا ووظايف في مدارس اهلية مالقينا لازم واسطة انا العام الماضي جبت واسطة في مدرسة اهلية بس صرفتني قالت كيف بتتعاملي مع الطالبات وانت غير تربوية قلت عادي وقلت يعني كل المعلمات عندكم تربويات قالت ايه كلهم تربويات وانا وحدة تقرب لي متخرجة من جامعة الملك سعود جلست في البيت نصف سنة فقط وعلطول توظفت في مدرسة حكومية بالواسطة

والى الاخت الم الصمت انت دوامك فترتين وهل في البنك اللي انت فية دوام واحد فقط والا كل الموظفين دوامين . طيب سؤال ثاني مثلا اللي معهابكالوريس محاسبة + دبلوم حاسب الى وش احسن وظيفة في البنك تتناسب مع التخصص . وسؤال بعد هل رواتبهم تستاهل التعب والا لا . وهل كل خميس فية دوام . ومشكورة وعذرا للاطالة

الم الصمت ابي اسألك عن الاختلاط بالبنط هل هو صحيح؟؟؟؟؟؟
وايش افضل شغلة بالبنك
انا بكالوريوس احياء+درة 6 شهور ادخال بيانات +دورة مصطلحات بنكية= ايش تتوقعين الشغلة اللي تناسبني
نفسي اصير مديرة فرع ((هل هو متعب وما هي طبيعة عمل المديرة ووقت دوامها))