الرجاء من الأخوات..
وضع الوصفة بالقسم المناسب لها.. واي موضوع يوضع
بقسم أطباق عالم حواء سوف يغلق مع وضع هذا الشعار:
مثلا الحلى والكيك بقسم الحلويات الشرقية والغربية
الطبق الرئيسي بقسم عزيزة الساخنة
الفطاير والمعجنات بأنواعها بقسم المعجنات والمخبوزات والسندويتشات
العصاير والخفايف والسلطات بقسم السلطات والمقبلات والمشروبات
التجارب من عالم حواء بقسم الأطباق المجربة
¨°o.O ( شاكرين لكم تعاونكم ) O.o°¨
مــــدخل {
وش يقول الجو عن صبح الربوع
من يترجم للبشر حكـي المطـر
غير نفس تعشق البـر وتجـوع
للربيع وشوفت العشـب الخضـر
والدلال ونار رمث مـع قـدوع
والخوي اللـي كلامـه كالـدرر
صباح /مساء ~ النور والسرور
كيفكم يالغاليااات يارب منااااح
بما اننا في زحمة البرد الونيس<-- اموت ع شي اسمه شتاء انتم مثلي ولا لا!<--سؤال يطرح نفسه لوول *_*
طبعاً الشتاء منعش ولذيذ <-- دعاية عصير !خخخ
الشتاء جوه ماينمل ابد يالله لك الحمد حتى لوااجلس لحالي عند الدفايه احس الضحكه شاقه وجهي احس بوناسه
وناسه تخلق روحه مو مثل الصيف انواع الكسل والإحباااط
يرجع نفس السؤال انتم مثلي ولا لا !<-- ياذا البلشه اهاا بس انجزي
طبعاً مثلكم عارفين تكثر السعسقه في البران بذا الجو
كشتات وفله وسعة صدر وتطعيس وحركات بركات
والشتاء يحتاج اكلات دافيه مع القهوه
الشوكولاتات والحلى يصير مالغ في ذا الأيام
ويجتاح سوق القشد والحنيني والأكلات اللي تدفي
تكون مشهيه اكثر في البرررد
<-- اخلصي صرنا بحصة تعبير !
االزبده اختكم بالله وشلون ماغليك القصيميه وه بس ياحبيلي
سوت قشد يحبه قلبكم في طلعة بر
وبعدها جنت على روحها بدوا العالم كل يوم رافعين التليفون ويالله ياوشلون ماغليك بالله عليك
مشتهين قشدتك ارسلي لنا حافظة قشده سفري الله يسلمك
وبعد هذا كله بديت ادعي ان الشتاااء يخلص ويجي الصيف وافتك <---وش دعوى قلبت شانت النفس خخخ
نجي لقشدتي الطعيييه <-- كيفي بمدح بقلي انا حره هع
مقاديرها كالتااالي :
1_ تمر ضميد سكري من اي درجه مايحتاج شي زين مره بس المهم سكري اشقر شوي
2_ زبده على حسب كمية التمر المستخدمه ~ انا استخدمت 3 ملاعق ك
3_ حليب سايل مقدار نصف كأس ويرتبط كذلك بكميتك اللي بتسويها من التمر يعني إذا كان كثير مره تزيدي الحليب
طبعاً انا استخدمت حليب بودره ملعقتين ذوبتها بمويه نصف كأس بس
4_ 4 ملاعق كبار حليب بودره وتزيدي إذا ضاعفتي الكميه
5_ فنجان دقيق بر وللكميه الكبيره فنجان ونصف فقط
وللقليله نصف فنجان
نجي للطريقه بالصــــــور *_^
هنا حطيت الزبده في القدر ولما ذابت اضفت التمر طبعاً يكون مفكك من بعضه مو متلاصق
نبدى بتقليب التمر مو بالملعقه لأنها تقطعه ~ بتقليب القدر نفسه بين فتره وفتره لمده تقريباً خمس دقايق
صوره قريبه للتمر متجانس مع الزبده وباين عليه بدايته في الذوبان والليونه <-- افت بالفصحى ماشاءالله علي خخ
بعد كذا احضر نصف كأس حليب سائل
اضيفه على التمر وابدى بتقليب القدر مره ثانيه حتى يتجانس مع التمر
وشوفو شكله هنا بعد مااضفنا الحليب السائل
وشوفو شكله هنا بعد مااضفنا الحليب السائل
الحين نضيف كمية الحليب الجااااف وقلنا مقدارها على حسب كمية تمرك يعني مالها مقدار معين مررره
انا احب تكون نكهة الحليب طالعه شوي الذ
وبعدا نقلب التمر حتى يتجانس مع الحليب
!
!
!
!
!
7
يتــبع
/
وبعد كذا نضيف الدقيق
ونقلب القدر ونخليه على نارد هاديه ونستمر بالتقليب بين فتره وفتره لحد مايتشقر لون الحليب والدقيق
يعني مااعجل عليه واسكر النار عنه علطول لا اخليه شوي لين احس الون صار اشقر
واهم شي لاتحترق خلو بالكم تراها تحتاج تقليب مستمر
وهذي هي النتــــــيجــــــــه
باين عليها لمعة الزبد واااو بس عاد مو كثير مره عشان الكليسترول *_^
وهذي صوره قريبه حتى تتحمسون تسونها
تراهااا مررررررره سهله اسويها بربع ساعه والله
ولااشتهيتها احيانن بكميه قليله تكفي شخصين ماتكلف ولا عشر دقايق بس ..*_^
/
وبالعااافيه يــــــــارب
بنات اللي تستفيد من موضوعي الله يجزاها خير تدعي ان الله يشفي أبوي ويطلع لنا من المستشفى بالسلامه
ويكلل عمليته وعمليتي انا بالسلامه الله يجزاكم خير ااذا دعيتوا وان كنت مثقله مو ملزوم وتراكم مسامحين
:39:
*_^