تبين عيالك يصيرون مميزين تعالي هنا افيدي واستفيدي

بصراحة قرات الموضوع في احد المنتديات واعجبتني الفكرة نبي نستفيد من بعضنا وش هي الاشياء الحلوةاللي عودتي عيالك عليها سواء في الاكل او النظافة او الاخلاق او الاتيكيت بالنسبة لي
ولدي الله يحفظه عودته عند النوم يقول (باسمك اللهم اموت وأحيا ) اقوله ويرد وراي وعند دخول الحمام يقول ( اللهم اني اعوذبك من الخبث والخبائث ) وعند الخروج غفرانك لو أنه ماهو دايم يقوله وعودته ياكل باليمين واذكره يسمي قبل الاكل ودايم اقوله غسل يديك قبل الاكل احاول اعوده على ان اي احد يناديه يقول سم مايقول نعم ولاهاه وأحاول اعودةه على ترتيب العابه وارجاعها لسلة الالعاب طبعا بمساعدتي احيانا واحيانا يعاند هذا اللي عندي وان شاء الله اعوده على أشياء ثانية وارجع اكتبها لو ان ولدي شقي بس ان شاء الله يهديه الله
يالله افيدونا عشان نتحمس ونربي اجيال صالحة