حبيت اعرضلكم تجربتي بجد لاني كنت كاتباها قبل كده بس في رد عادي مش موضوع منفرد
وجاتلي مسج من بنات كتير عاوزيني انزلها في موضوع خااااااااااااص
فقلت صح انزلها في موضوع منفردعشان كمان نعرف التفاصيل
المهم هنبتدي الحدوته الاول عشان نعرف ايه هو اللي سببلي هذا السواد
وانا عندي 13..14 سنه ابتديت اعمل شعر جسمي بالسويت
بس كنت بحس بالم فظيع موووووووووووت لان انا شعري تقيل ......كان عذاب
فقلت طيب ما استخدم الموس واجرب لاقيته طبعا مريح جدا ومش بيوجع خالص
فاستمريت عليه لغايه ما يوم من الايام ببص في المرايه لاقيت تحت ابطي بقي غامق اوووي وكان عندي مثلا 17 (العمر اللي البنت تبتدي تهتم فيه بنفسها )
فزعلت اووووووووي لان ده مش منظر بنت خاااااااااالص ولما كنت بلبس حاجه كات او كده بيبقي شكله مش لطيف خالص
فقررت اني ابتدي اعمل سويت تاني واتعذب تاني
ابتديت اعمل سويت برضه المنطقه غامقه ومش بتفتح وغير كده بقي شعر مجدر وتحت الجلد وحاجه تقرف والله
وقعدت افكر بقي ازاي بعد الزواج هقعد قدام جوزي بالمنظر ده؟؟؟ ده انا قرفانه امال هو يعمل ايه
وسرحت بقي وقلت لما اقعد قدامه بكات او كده كده
هيبقي منظري ايه ومهما اكون بحبه او واخده عليه بس برضه هو من حقه يشوف مراته نظيفه وحلوه المهم وانا في مرسي مطروح وبالصدفه قابلت ملح الحليب يوكو اسبا
اكيد تعرفوه
اشتريته وقلت لازم اجربه اي حاجه تنقذني من اللي انا فيه ده
كنت بستخدمه ازاي بقي ؟
1- لما اجي اخد الشاور بتاعي احط كميه حلوه علي ايدي واقعد افرك بيه تحت ابطي كويس اوووي بايدي بحركات دائريه لمده 5 دقائق وعكس الاتجاه لمده 5 دقائق ومش اشطفه اسيبه علي المنطقه
وبعد كده اجيب ملح الطعام العادي الناعم وافرك بيه تحت ابطي برضه مع يوكو من غير شطف
وبجيب الليفه المغربيه أكيد عارفينها
وادعك بيها تحت ابطي كويس اووووووووووي اوووووووووووووووي
وبعد كده اشطف المنطقه كويس اوووي واكمل الشاور عادي بقي
واستمريت علي كده حوالي 5 اسابيع
بعد فتره حسيت ان شعر تحت ابطي مش بيوجع ولا بيشوك زي الاول وناااااااااااعم
وجه بقي اليوم الموعود اللي هعمل فيه السويت أنا بستخدم السويت بالليمون لأنه بيلمع وينظف >>> الحلاوه للي مافهمو السويت :27:
المهم يا بنات عملت سويت واتصدمت
والله والله والله قسم اتحاسب عليه يوم القيامه
لاقيت بيااااااااااااااض رووووووووووووووعه
ولاقيت الشعر اللي تحت الجلد اختفي والله العظيم ومفيش شعر مجدر خاااالص ونعومه خيااااااااااااااااااااااااااااااااااااااااااال
وبقيت ماشيه في البيت رافعه ايدي لفوق
وواثقه من نفسي
وبعد كل مره من السويت بياض اكتر ونعومه اكتر وثقه بالنفس ملهاش حدود
نسيت اقولكم انا بستخدم دوف الازرق (مزيل العرق)
ومن ساعتها والله بياض يهبل ونعومه وراحه نفسيه فظيعه وغير كده اطمنت بقي لما اتجوز هبقي حلوه خخخخخخخخخخخخخخخخخخخخخ
هي دي تجربتي يا بنات والله اللي هتستخدمها هتدعيلي من قلبها
وعلي فكره ملح الحليب بيستخدم كمان لمنطقه البكيني والمنطقه الحساسه والاماكن الغامقه كلها
بس انا تجربتي لتحت ابطي بس
اي سؤال او استفسار انا تحت امركوا في اي وقت منقوووووووووول