بسم الله الرحمن الرحيم
خواتي الغاليات لاحظت كم وحده هنا من الأخوات تشتكي من خوا الراس
وهو عبارة عن ألم وصداع وأعراض ثانية غالباً يجي بعد النفاس
قبل كم سنه أختي إشتكت من هالشي ووحده عطتها طريقه ماشاء الله بعد ماجربتها تحسنت كثير وربي لك الحمد
الطريقة الأولى:
تجيبين كرشة غنم كامله وتحاولين تلفينها على شكل كوره يعني تخيطينها مع كل جهة وتفتحينها فتحه وتحشينها رز تكونين مغسلته قبل وتحطين معه هالأدوية:
(حلب و سميراء اللي هي الحبة السوداء حب حار وكمون) بعدين تخيطين الكرشه ومن ثم تطبخينها بماء حتى تنضج,بعد كذا تاخذينها بقدرها وتروحين لغرفه وتصكرين الشبابيك والباب وجيبي معك بطانيه تتغطين به او اي شي اهم شي تغطين نفسك بعدين تفتحين القدر والبخار لايطلع لايمين ولا يسار على طول تستنشقينه وعرضيه لآذانك وراسك يعني كانك تتبخرين فيه حتى تحسين إنك عرقتي بعد كذا كولي من هالرز مع أدويته كل هذا وانت متغطيه ومو متعرضه لهواء ولا شي
وإذا خلصتي خليك متغطيه ولا تتعرضين لهواء أبداً ولا لبروده يعني على حسب قدرة تحملك وأكيد كل ماطولتي جبتي نتيجه أفضل ومن الأفضل إنك تلفين راسك باي شي بعد كذا
وبس هذي الطريقه,,
اللي ماتقدر توفر الكرشه تجيب نفس راس الغنم وتحشيه بنفس الطريقه وتحاول تخيطه بس الكرشه أفضل بكثييييير
الطريقة الثانية : فلفل الهواء تشربينه مع القهوة
الطريقة الثالثه: تتكبين بفلفل الهواء
اتمنى إنكم تجربونها بإذن واحد احد راح تستفيدون
تمنياتي بالشفاء العاجل
وياليت من تجرب هالطريقه وتنفع معها تبلغنا هنا
ولا تنسوني من دعواتكم الحلوة
حبايبي اتمنى أفدتكم ولو بشي بسيط والله لايوريكم مكروه
ولا تنسوا أيقونة شكراً
:27:
أم الفيصل 🌷 @am_alfysl_2
محررة ذهبية
يلزم عليك تسجيل الدخول أولًا لكتابة تعليق.
أم الفيصل 🌷
•
لاتنسوني من دعواااااااااتكن
الصفحة الأخيرة