صديقتي وهجران زوجها لها

السلام عليكم

الموضوع يخص احدى صديقاتي ، اريد معرفة آرائكم اخواتي باللي يحصل معاها ، زوجها تاركها بدون اي اتصالات من 3 شهور ، هي حديثة الزواج وما في بينهم اولاد ، وتقول انها اكتشفت اطباعه بمواقف مختلفة وصارت شوي شوي قلبيا تبتعد عنه ، ابرز صفاته الكذب وهي تكره الكذب موت ، وفقدت ثقتها فيه ، وفقدت حبها له ، خصوصا انها حاولت تصارحه عدة مرات لكي تحل اي مشكلة ولكي تحافظ على قيمته في نفسها لكن كان المجهود منها فقط وهو ما حاول يغير اي شيء وبالعكس لما شعر انه انكشف قدامها على حقيقته وانها ما عادت مخدوعة بالصورة اللي يحاول يتقمصها صار هو ايضا يبتعد وهذا الشي جعلها تتأكد انه ما يحبها .
المهم في الامر انها متهيأة نفسيا للطلاق لكن لا تريد ان تطلبه لسبب ديني ، ولسبب قانوني : تقول انه اذا طلبت هي الطلاق رح يخليها تتنازل عن حقوقها ، وقررت تخليه هو وحده يقرر ويتحمل نتيجة ومسؤولية قراره ، خصوصا انه تقول انه من النوعية اللي يتهرب من المسؤولية فليش تخليه يستغفلها ويقول لها انه ما يريد الطلاق لكن ما دامت هي تريده تتنازل عن حقوقها .

الحمد لله انها صابرة وتفكر بعقل وتمهل وتخطط زين ، مو متسرعة وشابة فيها نار ، فهذا اللي يريده هو منها انه يستفزها ويخليها تتنازل .

مو حرام عليه يهجرها ؟ هي متأكدة انه ما يعاني من مشكلة صحية ، وهو في بلد اخرى ، ومتزوج ، واهلها زعلانين ويريدون الاتصال به ، لكن هي تمنعهم وتقول : ( هذا اللي يبيه ، وما رح يشوفه ، ليش اقدم له الحل على طبق من ذهب ؟!، خليه يقرر بروحه ويتحمل النتيجة ، خليه على راحته ونشوف آخرتها معاه ، ربنا ما رح يتركه يلعب ببنت الناس بدون عقاب ) .
انا بصراحة اغبطها على صبرها وحكمتها وادعو الله ان يفرج كربتها .

ايش رايكم باللي يحصل ؟