انا طبعي خجوله بس اعاني اكثر عند اهل زوجي ماعرف وش السر اما الناس فيه ناس سبحان الله مااخجل منهم وفيه ناس اتلخبط اذا شفتهم مثل وحده اعرفها نظراتها حاده وطريقتها في الكلام قويه يعني حتى اذا لاحظت انني انحرجت من اسئلتها الخاصه احيانا تناقش تقول شكلك انحرجتي من سؤالي وليش تنحرجين وكذا مااشعر اني ارتاح بالعكس الخجل يزيد اذا شفتها ...

يمكن ماقدر ادخل وارد عليكم لاني داخله باسم اختي =بس اهم شي اني كتبت الموضوع واستفيد من النصايح

حبيبتي ولا يبغالك علاج ولا دورات اهــــــــــــــم شي الثقة بالنفس فكري بالشي الايجابي اللي فيك انتي مميزه بنت من افضل البنات ولافيك عيوب شريفه ورافعه راس اهلك وزوجك وما تأذين احد وانا متاكده زوجك يحبك وماشالله ربي رازقك بالعيال يعني عندك شي يخليك تدخلين اي مكان وراسك مرفوع دايما تذكري هالاشياء اذا قعدتي مع احد

وحتى لو تعرضتي لاي موقف من طفله او حرمه اوحتى زوجك خلي ردك هادي وبسيط لو كلمة حتى لوكان الرد غبي او مايصلح المهم لا تسكتين ردي ولو بابتسامه
ومهما صار لاتتركين المكان اللي فيه وتطلعين بالعكس حاولي تفكرين باي شي ثاني اذا انتي متضايقه من احد
ونصيحه حاولي تثقفين نفسك في كل شي من الانترنت والتلفزيون والكتب والجرايد اقري عن الاسهم عن الاعشاب عن الطب عن الامراض عن الحوادث عن انشالله النكت الجديده واهم شي عن الدين ولاتقطعين هالعاده يوميا اقري جرايد وتابعي الاخبار السياسيه والاقتصاديه والطبيه
ليش هاذا كله عشان اذا كنتي في مكان او عزيمه او مع زوجك تقدرين تفتحين مواضيع وانتي تبدين بالكلام لازم تتجرأين..ولو مهما يصير من ردة فعل ارمي ورا ظهرك وكملي وقولي خير ياطير على الاقل انتي قاعده تطورين من نفسك احسن من اللي ينتقدون الناس وهم كلهم عيوب
خليك قويه عشان محد يتجرأ عليك
واقعدي مع خواتك قعده اخويه وخليهم يوقفون جنبك ولايقبلون دعوه من اهل زوجك الا انتي مدعوه معهم وكان المفروض اذا قالولك ماعزمناك عشان تستحين تردين رد دبلوماسي او ممكن تقولين خساره لو كنتي ادري كان جيت انتبهي تقولين ايه صح انا استحي او تسكتين مره ثانيه ..واي احد يقولك تستحين قولي انا طبعي هاديه وما احب اتكلم لمجرد الكلام وافتحي مواضيع ثانيه ولا تشيلين او اتهتمين لردات الفعل الاولى لانهم اكيد بيستغربون بس بعدين بيتعودون عليك ويحترمونك اكثر
حبي نفسك واحترميها وقدريها اولا وبعدها الناس تحبك وتحترمك وتقدرك
وادعي الله بعد كل صلاه

اللهم اشرح لي صدري ويسرلي امري واحلل عقدة من لساني يفقهوا قولي
اللهم اجعلني صغيرا في عيني كبيرا في اعين الناس

ملاحظه مفيده..انا كنت مثلك تماما وتغيرت كثييييييييييييييييييييييييييير

وانا بعد كنت خجولة مع بعض من الناس خاصة اللي من العائلة الي بعيدين شوي
ولما يكون المجلس مليان يدوب كم كلمة اقولها

والحمدلله لما تزوجت تغيرت
لما احتكيت مع الجيران
وصرت لازم اتكلم واتصرف مع اعتمد على الوالدة

وصدقيني انتي بعد مع الوقت حيروح الخجل الزايد منك
بس يمكن اللي مأزمك زيادة هو تصرف زوجك
حاولي تفهميه انه كثير من البنات كذا ومع الوقت ان شاء الله بيتحسن الوضع

والله يوفقك

عادياختي لا تفكرين في ها الموضوع كثير


انسي الرهبه من الناس ولاتفكرين ابد وانشاء الله تصيرين رئيسة المجلس