المعبوج نوعين احمر واخضر
طريقة المعبوج الكويتي الاحمر
راس ثوم
ملعقة ونص اكل كبيره فلفل احمر هندي مجروش بالبذور وهو يكون مجفف وحار
ملعقتين كبار زيت
ملعقة اكل او اقل ملح
ملعقة اكل مسح كزبره ناشفه مطحونه ويفضل محموسه قبل طحنها
يفرم جميعها مع بعض بالمفرمه ويكون مثل المعجون وتحفظ ببرطمان زجاجي ويرش سطحها برشة زيت حتى لا تنشف
الاخضر
راس ثوم
شدة كزبره خضراء مفرومه
3قرون فلفل اخضر حار مفروم
كزبره ناشفه نص ملعقه
زيت ملعقتين
ملحيستخدم حق المموش يعني رز وماش او عدس او حتى حق اللي يحبون الحار ينضاف منه ملعقة صغيره للرز مع الاكل
انا لاني احبه وبيتنا يعشقون الحارررررررررررررررر :09: :09:
اضيفه لاشياء كثيره
منها بعض الحمسات وايضا مع الباذنجان المقلي للسندويتشات
وسبق وذكرت لكم السموبسه وهي لذيذه
سمبوسة البطاط بالمعبوج (حاره)
تقريبا 5 اكواب بطاطس مقطعه مكعبات صغيره جدا
3 اكواب بصل مفروم
ملعقة اكل كمون حب
ورشة كزبره ناشفه
من ملعقة اكل الى ملعقتين معبوج(فلفل اخضر او احمر مفروم ناعم مع ثوم وينباع جاهز )
حطي ربع كوب زيت وحطي البطاط مع البصل والكمون وقلبيه عدل غطيه شوي عشان تستوي البطاطا
لا تهرينها
ارفعي النار وقلبي لما تحسن البطاط بدأ يتحمش والبصل يشقر
اضيفي ملح وفلفل اسود
واخيرا المعبوج بس لا تقربين منه ريحته بتطلع قويه وبتكحين من حرارته ههههههه
وايضا سويت منه فطاير الاحمر
بس اضفت حبة فلفل احمر الكبير مع المقادير عشان اخفف الحروره وايضل اضفت له ملعقة صغيره بابريكا الفلفل الاحمر الحلو وكله بالفرمه عشان يصير معجون بس مو مهري حيل
استخدمت عجينه العشر دقايق
وحطيت مع العجين ملعقة اكل نعناع ومرميه ناشفه مفرومه عشان يصير طعمها اعشاب
طبعا لا تكثرين مسحه
تتخمر نص ساعه
وتندهن بيض وتخبز
بالعاااافيه:) :09:
اللي يحبون الحار ممكن تاخذين منه ملعقة صغيره في تتبيل دجاج او سمك للشوي الريحه تطلع خيال
