االله يعطيتش العافيه يا ستى امبراتريث على هالخراريف الحلوه فعلا ماف احلى من حكيات للجدات الله يرحمهم انشاءالله يا امبرا منشوف اولاد اولادنا وبنخرفهم خراريف ستاتنا كملى مبسوطه وانا بقرا زمان عن اللهجه الفلاحه الاصيله:26::26:

الله على الخراريف
ستى كانت تحكيلنا عن الجن والعفاريت ونظل طول الليل نتخيلهم
ويا ويله لو واحد فينا بده يروح الحمام
يا أما بيروح ويواجه خيالات العفاريت أو بيظل بتخته وبيواجه الماما بالفرشه المبلوله
بس بيظل الخيار الثانى اهون من شوفة العفريت ابو رجل مسلوخه

تابعى امبراطورتنا كلنا متشوقين
صحيح شو صار للسنجاب ؟

ذكرتيني يا امبراتريث بست أمي.. الله يرحمها.. ذكرتيني ببيتها العربي القديم و البحرة يلي كانت بنص أرض الديار.. و الياسمين يلي كانت زارعته عندها بالديار

الله يرحمها
يوم ما ماتت غبت عن المدرسة.. و تاني يوم بس رحت سألتني الآنسة ليش كنتي غايبة؟
قلتلها ست ماما توفت.. قامت الآنسة فنجلت عيونها مصدومة, إنو لسه ست إمك عايشة؟

كان عمري ست سنين.. بس ما بنساها و لا بنسى قصصها.. كان أصلها تركي الله يرحمها و بتحسي في بعيونها شموخ و ضلت نشيطة ما شاء الله عليها مع إنو عمرها صار شي و تسعين سنة.. و الحمدلله لا بركت و لا انسطحت بالفرشة.. لآخر يوم كانت نشيطة..

احكيلنا عن ست إمك كمان.. أنا ما كنت بعرف إنو هيك لهجة الفلسطينية القديمة.. معظم الفلسطينيات يلي بعرفهم سكان الشام, فلهجتهم شوي مخلوطة بلهجتنا..

شكرا حبوباتي على تشجيعكن
راح ابدأ من اخر رد لاني لسه بضحك ...... ام محمد مسكينة ابو رجل مسلوخة بخوف من العنوان الله
بس قد ما خفتي من ابو رجل مسلوخة مش مثل خوفي من السنجاب ثلاث ايام بالياليهم وانا مقرفصة رجلي وجالسة .ربنا ما يعيدها السنجاب رااااااااح , اخظوه جماعة بعد جهذ جهيد لرصد مكانه وولادي صاروا يبكوا بدهم اياه وزوجي يتحسر عليه باين حن عليه ههههههههههههه الحنين


maple ridge
والله جداتنا كانوا حلوات ومسكينات ما عرفوا احمر الخدود ولا زهري الشفاه مش مثلنا احنا

هلا عقلة ..عقبال ما نجتمع بعد شي ثلاثين عام ونبلش خراريف عن ايام الانترنت
وقتها الله اعلم شو بكون في اختراعات والمنتدى بصير اعجوبة مثل الخابية وعلى شرط اصير انا جدة المنتدى , من هسة اعطيتيني اللقب وقبلته بكل حب :):)

رواء الاسلام اهلا بك شفتي ما اغلى الجدات ؟ وانا صغيرة لما كان حد كبير في السن يتوفى كنت اقول ليه بعيطوا ما هو كبير , لكن لما وعيت عرفت قيمة الناس الكبيرة وبعد رحيلهم يخلفوا اساطير جميلة


سعوديه تعشق لبنان هلا بيك وشكرا لترحيبك الحار وربنا يقدرني واجمع كل ما عندي من خراريف باللهجة الفلسطينية وهذه لك:26:

mona1988

ما شاء الله عليك , بس لو اقدر احفظ عشر اناشيدك الحلوة يا ستي يا منى

الشهد 2004 اهلا بك وفعلا الله على ايام مضت كنت افكر الموضوع مش راح يعجب لكنكم جبرتوا بخاطروا ,اكيد اللي شفعتلي فيه ستي


zahrit alkamelia

اللهم امين , بس يا رب يصيروا يحبونا كثير مثل ما بنحب ستاتنا باين ستك من نفس بلد ستي لانك بتعرفي نفس اللهجة


عروس الشام
يا الله نفس الموقف حصل لي مع معلمتي لما عرفت انها ست امي ماتت وكنت كبيرة يعني 14 سنة واخوتي كبار واستغربت المعلمة كمان سبحان الله
هذه هي اللهجة الفلسطينية الفلاحية واغلب المحافظين عليها هم اجدادنا وبعض المناطق الفلسطينية

لكن الاستعمار والشتات ساعد على كثرة اللهجات في فلسطين واهل مدينة نابلس كلامهم ولهجتهم ونبرة صوتهم نفس اهل دمشق وحتى الشبه الجسدي ملحوظ بينهم وطبعا لذلك مبرر تاريخي

رااااااااااااائع واروع من الرائع ...مافي احلى من حكايات الجدات

وللصراحه اكثر شي شدني للمتابعه اللهجة الرائعه ..

انا احب اللهجة الأصليه لكل بلد وتقريبا اعشقها فمابالك بفلسطين ...

سلمت ستك وسمت يداك.