توته الحلوه

توته الحلوه @toth_alhloh

كبيرة محررات

المخلطات العربيه والدخون

سوق عالم حواء التجاري

في البدايه
اشكر منتدى حواء للافتتاحه هذا الركن اللي بصراحه فادني وافاد غيري..

بغيت اخبركم عن سالفتي مع المخلطات والدخون...

كنت اشتري من حرمه خبيره بسوالف المخلطات والدخون بانواعه
وكنت اطلب بكميات كبيره لصديقاتي ومعارفي

ومره من المراته..قالت لي انها ما تقدر اتوفر الطلبيه الكبيره لان ينقصها المال
الا اذا دفعوا لها قبل ما يستلمون طلباتهم..عشان اتجهز لهم الطلبيات بفلوسهم

فخطرت في بالي فكره قبل لا استشير اي حد

قلتلها وش رايج لو اعطيج ان الفلوس وانتي اتجهزين

فرحت بالفكره ...ومن يومها ..قمت انا اخذ الاغراض اللي تحتاجهم بفلوسي
وخصصت لها معاش شهري ونسبه من الارباح ...لانها هي صاحبة الخلطات



انا اخذ العطورات اللي تحتاجهم وهي تخلط لي المخلطات العربيه والفرنسيه
واتسوي لي الدخون..والمخلطات العربيه وعطر الفراش والمخمريه وعود معطر

وهي كانت اتحط المخلطات في غراش عاديه بو التوله
وانا غيرت الطريقه
حطيتهم في غراش كرستال بخاخ،،وحطيت لكل عطر اسم معين
والحمدلله مشت الشغله ،،ومثل ما يقولون يا بخت من فاد واستفاد


الناس اتحب الشي المرتب هي حرمه كبيره في السن ومالها في دوخة الراس
وانا متفرغه لهشغلات...ولاني اجهز الهدايا من قبل
للمواليد وللاعراس ولرمضان والقرقيعان (النصف من شعبان)
ودام عندي العطور والدخون ان شاء الله قريبا
راح اسوي صناديق عطور ودخون للهدايا


والطلبيات زادت ولله الحمد...
واستخدم حاليا شركة شحن للتوصيل داخل الامارات

بغيت استفسر شو اقدر ازيد لهاي الشغله؟؟

اتمنى انكم تدعون لي بالتوفيق
لي ولها ...
400
31K

هذا الموضوع مغلق.

توته الحلوه
توته الحلوه
وهذي قائمه بالاسعار وباسامي المخلطات

واي وحده من بنات المنتدى جزاها الله خير جربت
نوع من انواع المخلطات او الدخون (دخون ومخلطات ام خليفه)
جزاها الله خير تكتب عن رايها في العطور او الدخون,.,,سواء عجبها او ما عجبها.....ومنكم نستفيد:26

مخلطات عربيه
وجميعا في غرشه كرستال بخاخ 4 تول

مخلط دار زايد 100 درهم
مخلط وديمه 100
مخلط الحجر الاسود (بدهن العود) 130
مخلط شما 80
مخلط ريانة العود 80

ومخلط الغزال الشمالي 50 (تولتين)

والمخلطات الفرنسيه
وجميعا في غرشه كرستال بخاخ 4 تول او تولتين

مخلط الشيخه 80 درهم
مخلط الشيخ 80 درهم رجالي
ومخلط الغاليه 80
ومخلط احبك 50 درهم تولتين
ومخلط غناتي 50 تولتين

ومخلط الشامخ 50 تولتين

ومخلط شباب الامارات 50 درهم تولتين(رجالي)


وبالنسبه لعطر الفراش

مرش العرايس 60 درهم غرشه كبيره

والمخمريه للشعر ...التوله 100 درهم

.....الدخون.,.,,,

الدخون الملكي 100 درهم
الدخون العربي 60

العود المعطر الملكي 150
توته الحلوه
توته الحلوه
الغاليات

لطلب عينات للتجربه
او للي حابه تشتري من المخلطات او الدخون..
ولاي استفسار
راسلوني على الخاص
توته الحلوه
توته الحلوه
ولا رد....
؟؟؟
حرام عليكم ...شجعوني على الاقل
البسمة الحلوة
ودي اعرف الدرهم يساوي كم سعودي:26:
توته الحلوه
توته الحلوه
البسمه الحلوه

عزيزتي الدرهم الاماراتي = الريال السعودي