تصرف مديرة مدرسة بنتي الابتدائية مع اتصالاتي

مرحبا بنات كيفكم ان شاء الله تكونون في أتم صحه وعافيه
ودي اسولف عليكم وافضفض احس بتكه في صدري
امس رجعت بنتي من مدرستها الابتدائيه وهي تصيح 
تقول معلمة الجغرافيا تقول ما اتقنتي مع انها جاوبت على كل الاسئله ما شاء الله تبارك الله ما عدا آخر سؤال ما مداها الوقت سحبت الاستاذه الأوراق واغلب صديقاتها مثلها آخر سؤال ما مداهم يحلونه 
بس لما خلصت استاذتهم تصحيح ذكرت اسماء البنات اللي اتقنوا واللي ما قالت اسمها يعني ما اتقنت وبنتي من ضمن اللي ما قالت اسمائهم سألتها بنتي عن نتيجتها قالت انتي ما اتقنتي علشان آخر سؤال طيب غيرها ما حلوا السؤال الأخير وقالت انهم اتقنوا والله بنتي انقهرت منها وطول امس وهي تصيح واليوم راحت المدرسه وهي تصيح تقول الاستاذه قاهرتني 
ضاق صدري عليها ياعمري عليها وقلت بكلم لان ما عندي احد يوديني للمدرسه ودقيت عليهم ردت المديره 
انا : السلام عليكم
المديره : وعليكم السلام
انا : اقدر اكلم الاستاذه فلانه
المديره : ايه بس سكري ودقي مره ثانيه ع التحويله الخاصه فيني انا احولك ع الاستاذه
انا : طيب وبكل حسن ظن سكرت ودقيت مره ثانيه تخيلوا يا بنات ترفع السماعه تقول الو نعم وتسكرها على طول قلت يمكن ما سمعتني وادق مره ثانيه ونفس الشي تقول الو نعم وتسكر والثالثه والرابعه نفس الشي بعدين عرفت انها حركه للتطفيش يعني اول ما كلمت وردت المديره علي عادي بس لما عرفت اني ابغى اكلم المعلمه فلانه سوت هالحركات معي علشان تطفشني طيب يا حبيبتي ماتبغيني اكلم المعلمه قولي
قولي انك ما تبغين اي ام تتواصل مع المعلمه بالتلفون
اول اذا كلم ابوها قالت المديره ان المعلمات يرفضون يكلمون رجال طيب الحين انا كلمت ليش حركات المراهقين معي خير ان شاء الله والله أتعجب معقوله تربويه ويقال عنها القدوة ومربية الأجيال تسوي كذا المفروض تكون أرقى من كذا
ياني انقهرت من تصرفها احس صدري مضغوط حسبي الله ونعم الوكيل فيها الله يعاملها بعدله 
معليش يابنات حسيت ودي افضفض اطلع اللي بصدري يمكن ارتاح اتمنى ما اكون أزعجتكم