وش اطلب من زوجي هديه للنفاس(اقروا سالفتي)

باختصار في قبلي ورمه على زوجي ...
لاني وبالشهر الثامن راح للسعوديه وتركني انا وعيالي بالغربه عشان يزور امه المريضه انا ماعندي اعتراض على هالشي بالعكس قلت له حق وواجب لكن انه تحلى له الجلسه ويقعد شهر ويعيد الاضحى هناك بصراحه قهر ..
طبعا قعدت اصيح وهو يتعذر مالقيت حجز وماهنالي العيد بدونكم ومن هالكلام الفاضي .وغير عاد اتصالات الاهل والجيران كلهم يقولون لي يوه مارجع زوجك شلون يترككم ومن هالكلام ونا وعيالي قاعدين بحسرتنا .ز
المهم يوم رجع توقعت الهديه الزينه ولا التعويض لانه قعد يقولي بعوضكم خير وماشفنا شي .. طبعا اناولدت وطلعت من النفاس ولا شفت تعويض ولا حتى هدية نفاس والله قهرني طبعا قلت ماراح اسكت ويوم ناقشته قعد يقولي يعني لازم الهديه هاذا الكلام بس بالسعوديه قلت يعني انت تهاديني عشان الناس اللي بالسعوديه قال هاذاني اصرف عليك هاذا مب بفلوس قلت الصرف هاذا من واجبك ثم انا ابي هديه وتعويض عن تركنا بالغربه الحالنا شهر كامل حلوه ذي انت تروح وتستانس وتعيد وحنا مالنا احد وغير اني صرت الام والاب اودي مدارس واقضي للبيت كل هاذا ولا شفت منك شي .ز
اما جاراتي الله يهنيهم على مناسبات بسيطع عيد زواج عيد تبن شوف الهدايا السنعه ولو راحوا رجالهم انتدابات بسيطه اهدوهم ونت ولا شي ..
المهم بعد النقاشات الحاده والصياح:06:قال طيب شتبين قلت مدري انت اشتر لي مفاجاه قال مااعرف بهالسوالف قلت خلاص عطني مبلغ ونا اشتري قال لا اختاري شي ونشتريه سوى ..
المهم انا بصراحه محتاره شاخذ وابي شي معتبر ابرد حرتي فيه ..
لا تقولون ذهب احنا بغربه وماعندنا ذهوب والماساتهم صغيره جدا كانها حقة بزران ..فكرت بشنطه ماركه بس انا عندي مجموعه ولا لبستهم ..
مدري انتوا شرايكم وشالموضه الحين عندكم بالماركات ساعات مثلا شناط جزم مدري ايش رايكم ايش اطلب ؟؟
وتكفون لا تتاخرون علي بالرد لا الحين يهون واتوهق ...