شوفي بنتك تمر بمرحلة صعبة المراهقة هذه تغير السلوك و تختلف من شخص لآخر لا تساليها و تلحي بالسؤال صاحبيها قضيتها سوالف معها احضنيها قولي امدحيها دائماً قدام خواتك و اهلك اجتنبي أسلوب الأمر المباشر و التهديد احتويها و هذه فترة و بتمر أنا مرت عليا فترة كذا دائم أصيح و يسألوني ما ارد الله يحفضها و يطمئن قلبك عليها

اطلعي معها كفي وسولفي معها وصادقيها انت وهي وبس خلي جلساتهم وناسه. وفله واشكي لها وخليها تفتح قلبها ... في قلبها شي مخبيته ابحثي عنه ... وذكريها بصلاة وان الدنيا ماتسوى واهم شي العلاقه مع الله والصلاة بخشوع ... اهديها كتاب مفيد روحي معها للمكتبه وقولي بشري لي كتاب انا قررت أقرأ ابي اخذك معي تنصحيني بكتاب نبحث انا وانت على كتاب حلو اقرأه وبعد ماتروحو ودور لك وتختارلك افرحي وفيه وقولي رايك فيه وبعدين قولي وش رايك انت تختاري بعد وانا بقرأ وانت اقرائي وبنشوف وين نوصل وكل وحده وبعدها نتبادل كتبنا وهكذا ... الزبده صادقيها ادخلي عالمها لاتتفاجئي من كلامها اذا فتحت قلبها واذا علمتك باللي بخاطرها ... لانها توها في بداية الشباب والمراهقه

صح سولفي معها عن نجاحات الناس والمشاهير وكيف ان الدارسه هي السلاح ولازم كل شخص عنده طموح وهدف يسعى له ... واذا انت مثلا ماكلمتي دراسه او ما دخلت القسم اللي تحبيه او توظفتي الوظيفه المناسبه ... قولي هالشي لها انك ندمتي انك ما اشتهتي في دراستك ولا نصحك احد وتمنيتي احد وجهك وعلمك ... وليتني اخترت القسم الصح وضحيت عشانه ... هالشي راح علي لكن انت ببداية الطريق يابنتي اختاري هدفك واسعي له وانا اساعدك انا. صديقتك قبل لاكون امك ... اسهري معها بالليل على فلم تختاره وحلو وراه هدف ... خليها تختار هي لو ما عجبك شوفيه معها وادخلي عالمها ...

هذي بنتك وأكيد مصلحتها تهمك
شوفي اجلسي معها وقولي لها هالكلام
علميها انك تحبينها ومصلحتها تهمك
علميها انه مهما صار انتي بتوقفين معها وتساعدينها
عطيها الأمان والثقة يمكن مسويه شي انتي ما تحبينه
وخايفة من ردة فعلك
اذا كانت تتكلم مع أبوها وترتاح له اكثر عادي
لا تتضايقين وهذا ما يدل على نقص فيك ولا عيب
خلي أبوها يعرف وش المشكلة الحالية وانتي
قوي علاقتك فيها شوي شوي الين تمون عليك اكثر

نسيت موضوع الطلعات
هذي مشكلة ترا
لازم تعرفين ليه ما تروح للناس
شجعيها وحاولي قد ما تقدرين تاخذينها معك للناس
خليها تصلح شي وخوذوه معكم وعلمي كل الناس
انها مسويته و امدحيها عندهم
او مثلا روحي انتي وإياها للسوق وخليها تختار لك شي
والبسيه وامدحي ذوقها عند الناس
اذا كانت تعرف للمكياج والشعر خليها تسوي لك واحضري
مناسبة وعلمي كل الناس انها هي اللي سوتها
علميها اتيكيت الكلام وشو اللي يقال وشو اللي ما يقال
علميها تكون نعومة ومرحة كذا بيحبونها الناس وبتصير
الروحة حلوه بالنسبة لها