بنااات طريقة ورق عنب الغاليه ارتست

ورق عنب بالزيت يتحدى المطاعم الشاميه ... وبالخلطه السريه والخطوات المصوره.





السلام عليكم ورحمة الله وبركاته .
هاي امامير .
ترى عنوان الموضوع مو مبالغ فيه . اكثر طبقين اتميز فيهم هو اللازانيا وورق العنب . جد مو مدح لنفسي او ترويج لوصفاتي .
كل ضيفونا الي ذاقوه سواء سعوديين او سوريين او حتى كنديين دغوا فيه ( دغوا يعني انقضوا عليه ) <== ورق عنب السفراء على غفله خخخخخخخ .
ودائما لما اقدم ورق العنب بالزيت مايرجع منه ولا حبه ، وإذا صلحنا عزيمه ، تصوروا ان المعازيم يتسأذنوني ياخذون معهم للبيت ، ومشكلتي ماعرف أقول لأ . لذلك صايره ماقدم ورق العنب بالعزايم <== عجازه .
صراحه ورق العنب متعب وصعبه كل ماصلحت مجموعه وزعتها لووووووووووووول <== طلع القعط .
طبعا بعد الديباجه في مدح وصفتي بقولكم ميزات ورق العنب بالزيت المثالي .
ميزات ورق العنب ( اليالنجي ) اللي احبه :


للمعلوميه ماذقت بمطاعم السعوديه ولا ورق عنب حلو كلهم مستواهم اقل من العادي ، لا عند ابو كمال ولا النافوره ولا العجمي..... الخ ، حتى بمطاعم الشام ماذقت ، احلى ورق عنب ( يالنجي) ذقته كان من ايادي ستات بيوت شاميات فقط . بس برضوا مو أحلى من حقي بالنسبالي طبعا <== أبوك يالغرور .


1ـ تكون نسبة الملح متوافقه مع الحموضه ، ويكون حامض بس مو لدرجة انه ينشف الحلق ويثير غدد اللعاب بشكل مؤذي خخخخخخخخخ .

2ـ مايكون شاحب أصفر ولا أحمر مثل الصلصه ، يعني احب يكون لون زيته مثل المكدوس وأخف .

3 ـ تكون الحشوه ممتلئه بس مو مكدسه ومعجنه . ولا هي نحيله تحسينها بتدوخ من النحف .

ورق عنب ماركت
4 ـ تكون الورقه طريه ومتماسكه بنفس الوقت ،مجرد ماضغط عليها تنقطع مو اقعد أسحّب فيها . واتفشل قدام المعازيم وانا اقطع فيها ، يعني إذا قطعتيها يطلع مثل السوشي منظم ومرتب ولا هو متناثر .


5 ـ نسبة الرز متناسقه مع الخضار ومتمازجه مو كتلة رز على جنب وخضره على جنب ثاني .


6 ـ احبه لاذع شوي يعني اول ماتحطينه بفمك تحسين بتقريصه ويكون فيه نسبة ثوم بسيطه بس مو طعمه مثل الشاورما كله ثوم، احبه يكون مثل السحر ماتحسين طعم الثوم بس تحسين ان فيه نكهه مميزه .

7ـ مميزات الورقه ماحبها تكون خشنه او لونها أخضر مثل العشب او اصفر مثل اوراق الخريف احبه متوسط ، ايضا عروق الورق ماحبها تكون كبيره لازم تكون ناعمه ، والورق حجمه متوسط لا بالصغير ولا بالكبير .



ورق العنب بالزيت يسمى ( يالنجي ) يعني باللغه التركيه على ماعتقد ( كذاب ) ، ليه سموه كذاب لان ورق العنب الاصلي باللحم ، وايام الركود الاقتصادي بزمن العثمانيين إذا مو غلطانه ، كانت ضروف الناس الماديه عدم ، فكانوا يصلحونه من غير لحمه ، فسموه ورق العنب الكذاب . يعني ورق عنب تصريفه خخخخخخخخخ .

وإذا كنت غلطانه بالمعلومه ياليت اخواتنا من بلاد الشام يصححون لنا .


طولت حليكم الحكي ، بس عاد وش اسوي احب اوصف ذوقي عشان محد يتوهق ويجرب ورق العنب ومايطلع على ذوقه .


المقادير :

ورق العنب والطبخ بشكل عام يعتمد على النفس، مو النفس الاكسجين لووووووووووول ، اقصد النفس بالطبخ .


مو إذا ماضبط معكم تبهذلوني ، وان شاء الله يضبط معكم وتدمنونه .

مقاديري تقريبيه .


ورق عنب اسستخدم كل العلبه . افضل نوع بالنسبالي العلالي ورقه متوسط وناعم ، جربت انواع كثير مارتحت غير للعلالي .

كاستين أرز أسترالي ( صنوايت ) .
حبتين كبار طماطم بندوره
حبتين كبار بصل .
حزمة بقدونس . تقدرين تقولين مقدار اربع قبضات .
ربع حزمة نعناع . قبضه وحده .
شوية شبنت( اختياري ) . مايقارب ربع الحزمه .
كأس عصير ليمون .
كأس زيت زيتون عصره أولى .
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ورق نعناع مجفف او مفروم طازج تقريبا ملعقه طعام .
ملعقة صغيره بهار حلو .
ملعقة صغيره فلفل أبيض .
ملعقه صغيره قرفه .
ملح .
ماء للسلق .
طماطم وبطاطس .



الطريقه :



ـ اغسلي الخضار وصفيه من الماء .
ـ أغسلي الارز
ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .
ـ صفي الرز من الماء زين واضيفيه للخضار . مو ضروري نقع الارز بس انا أفضل انقعه .
ـ حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .
وهذي الحشوه بعد ماجهزت .


بالنسبالي الافضل ان مقدار الحشوه تكون ثلث رز مقابل ثلثين خضار .

ـ نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .
ـ الحين ناخذ ورق العنب نغسله ونشيل السيقان ( الروس ) .
ولما تلفون الورق ركزوا لازم تحطون الحشوه بالجهه الخشنه اللي عروقها بارزه ، لانك لو لفيتيها بالعكس بيطلع الورق لونه مو حلو والعروق واضحه فيه غير انه بيكون خشن .
حطي الحشوه بالجهه اللي مأشر عليها .
بالنسبه لطريقة اللف . يبيلها شوية شد مو تشدينه بقوه ولا ماراح ينفش الرز براحته وحيتكتل .
حطي الحشوه .
على فكره الحشوه مليانه سوائل ( زيت ليمون ) فأضل اني اصفي جزء منها بالمصفاه عشان ماتعب اثناء اللف ويقعد يقوطر لي .
من ثم لفي الجنبين .
الحين شدي شوي وانت تلفين . والترتيب باللف كفيل انه مايخلي شكله يخرب اثناء الغلي .
وهذي هي .
ونرصها بالقدر .
واستمري باللف لين تخلصين .
وهذا القدر بعد ماخلصت اللف خليهم مرصوصين جنب بعض .
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قدايش يعطي نكهه مميزه غير كذا يشيل ريحة الثوم القويه .
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح .
إضغطي القدر بصحن سيراميك او اي شغله ثقيله . واضيفي الماء لين يغمره بهالشكل .
وخليه لين يغلي ، اول مايغلي هدي النار عالآخره ، وخليه ساعه بالتمام.
وهذا شكله وهو ناضج .
بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .
بعدين آخذ الماء اللي بقى واصفيه وارجع اصبه في ورق العنب عشان يحتفظ بطراوته بالثلاجه لحين التقديم .
شوفوا شلون لون الصوص وسمكه لازم مايكون مثل الماء ، تحسيننه مثل الرُب او الصوص ثقيل ومدهن .
غطيه واحتفظي فيه بالثلاجه ، وعاد مو تقدمينه بهالشكل شكله مو حلو ، رصيه بصحن التقديم زينيه بشرحات الليمون . وعادي يقعد بالثلاجه أسبوع طالما راعيتي النظافه .


ويقدم باردا .

وصحه وعافيه .

هذا طلبك

7
7
7ماقصرتـ جابت لك الموضوع ..

سلام عليكم حبيبتي عندي رقم وحدة تسوي ورق عنب ومحشي ملفوف على كيفك وسعره حلو مره توصل لبيت ولله ان طعم متعوب عليه

ماقصرتي الله يعطيك العافية على ورق العنب شوقتينا إليه بس حبذا لو وضعتي الصور حتى نربط الكلام بالصورة

mhs6793
الله يوفقك ويرزقك الجنه ويوفقك بالدنيا والاخره ويحقق لك الي بالك اللهم آآآآآآآآآآآآآآآآآآآآآآآآآآآآآآآآآآآآمين يارب العالمين