ريحانة وجداني وتعليمه الحمام تعالوا يا صاحبات الخبرة

السلام عليكم ورحمة الله وبركاته ..

من زمان عن هالقسم الجميل :) وحشتوووني .. كيفكم يا عسولات

انا حاليا مضغوطة جدا جدا .. بديت أعلم ولدي على الحمام والحمد لله فيه استجابة جيدة ..

لكن صادفتني مشاكل وودي من صاحبات الخبرة يساعدوني في حلها ..

أولا .. كثرة التبول .. الله يحفظه ولدي أحسه يتعصر عشان يدخل الحمام .. وكل اشوي يتبول احيانا كل عشر دقايق :(

مدري هل طبيعي أنه يتبول كثير كذا ؟ خاصة اني ما أعطيه مشروبات كثير لما يضبط العملية بعدين بأرجع طبيعي معاه


ثانيا .. مدري كيف أعبر عن هالنقطة بس أحسه يكذب خخخ كل اشوي ماما يع وأوديه الحمام ما يطلع فيه شي بس يلعب بالموية ويطلع :( كيف أحل هذي المشكلة لأنها بصراحة متعبتني أفكره صادق وأركض الحمام ويطلع يكذب علي :(
والله أحيانا توني مطلعته من الحمام ما بعد لبسته يرجع يدخل ويعيدها 8 مرات ورا بعض تعبت جدا كل يومي يروح في الحمام أخاف انه صادق يبغى الحمام :( مدري وش الحل

ثالثا.. متى يبدا الطفل يمسك نفسه أو ينتظم تبوله كل نص ساعة ع الاقل ؟ ولدي حتى لو حاجة بسيطة ماما يع والمشكلة ينقط على ملابسه أحسه بس يعصر نفسه عشان يطلع شي مدري هي المسألة مأثرة عليه والا كيف ؟؟

رابعا وأخيرا .. كيف أفطم ولدي من الرضاعة ؟ طبعا مو الحين لأن ما ابغاه يتأثر نفسيا في مرحلة تعلمه الحمام لما يضبط الحمام أبغى أفطمه من النانا لأنها مسببة لي أزمة :(


أرجوا من صاحبات الخبرة يدلوني على حلول ويساعدوني تراني بكرية وهذا ولدي الأول .. وعمره سنة و7 شهور :)

لا تقولون صغير أنا أبغى أعلمه وهو صغير ما أبغاه يكبر وهو متعود ع الحفاظة والوقت جدا مناسب وأحس ولدي يفهم وعنده استعداد وماشاء الله تقدم بسرعة (اذكروا الله) صار يطلب الحمام وقت الكبيرة بس البول مرات ايه واذا كان يلعب ما يقولي غير لما يسويها

الي عندها خبرة يا ليت تفيدني حتى لو بطريقة عقاب أو ثواب حتى يتعلم بأسرع وقت .. وترى وقت النوم لسه ما علمته .. أنتظر لما يضبط وقت النهار وبعدها أفطمه وبعده الليل إن شاء الله :)


أخيرا الله يكتب أجرنا وأجر أمهاتنا :) ودعواتكم