كل النحيفات يدشون هني اذا يبون يمتنون

السلام عليكم
هذي ثاني مشاركة لي وان شالله تعجبكم

النحيفات لهم هالكلام والطريقه، بس المتان لايجربون بها واذا قروها واشتهو خلهم يدشون يقرون بعيون مغمضه ههههه المهم

عزيزتي النحيفه لو تبين تسمنين اول ماتصحين الصبح
اشربي لج كوب كبتشينو سكر زياده طبعا
وقطعة دونت او قطعتين كيفج كل ماكثرتي احسن

وبين الوجبات خلي المشروب الاساسي لج هو الكبتشينو لان الكبتشينو كل كوب عباره عن كيلو ، يعني لما تشربي كبتشينو كوب واحد راح تزيدي كيلو واحد
يعني خلي عمادك الاساسي في الحصول على الوزن الزائد هو الكبتشينو

كثري من الحلويات
والغدا اكلي
البطاطا المقليه مع الكتشب
كثري من اكل البيتزا لانها تحتوي على الجبن وهذا الجبن هو يحتوي على كثير من الشحوم خاصة جبنة الموزاريلا ،، يعني اكلي قطعتين او قطعه على حد شبعتك

والعشا
اكلي فاست فود زي البرجر ودجاج كنتاكي مو شرط كنتاكي للي مقاطعه تاكل دجاج مقلي من اي مطعم تحبه
بس كثري من الفاست فود
يعني خلي اكلك اليومي كله فاست في فاست وطالعي النتيجه خلال اسبوع
هو الاكل هذا اللي تاكلينه فعلا خفيف لانه كله كبتشينو وكيك وسندويشات لكن سعراتها الحراريه عاليه جدا

وكثري من شرب حليب كامل الدسم ، ماتبين حليب اكلي زبادي كامل الدسم
واذا مليتي من الفطور وتبين تغيرينه تناولي القشطه مع العسل والخبز
او توست مع زبده ومربى
ولاتنسين البيض المسلوق تقدرين تغيرين العشا ببيض مسلوق كعشا خفيف
كمان لو ماتبين تاكلين فاست فود بالعشا ، او بيض ، اكلي بطاطس مهروسه بالكريما والجبن وكوب حليب او كبتشينو ،
وبعد كثري من اكل المعكرونه بالبشمل لانها فعلا تزيد الوزن لانها تحتوي على زبده ووحليب ومعكرونه ،،، واكثر من تناول اللحوم المشويه والدجاج ،، والاجبان بانواعها يعني خلي حياتج كلها اكل في اكل ،،، عاد اللي ماتشتهي تاكل مشكله ،،
والفواكه كثري من الفواكه اللي المفروض مايكلونها السمينات زي الموز والمنجا والتمور ،، والفراوله ،،
وبعدين اللي ماتشتهي تاكل ،، ماعليه ماتهتم كل ماتحسين انك جيعانه اكلي سندويش برجر مقلي وبطاط مقلي مع كتشب ،، لو لقمتين بس حاولي تعودين نفسك انك تاكلين ،، ولو حسيتي انك مانتي جوعانه امشي بالحوش واركضي وراح تجوعين ،، وارجعي اكلي ،، وهالله هالله بالواح الجالكسي والباونتي والاسنكرس تراهم مشحونين كربوهيدرات وسكريات ،، يعني لو حسيتي ماودج تاكلين عشا او غدا الهفي لك كم لوح جلكسي او اي نوع كاكاو من اللي ذكرتهم او اي نوع ثاني تحبونه ،، عموما الحلويات بالانواعها هي اللي تسمن ،، بشكل فضيع لان السكر ينحبس تحت الجلد ومايحترق بسرعه ،، وهو اللي يساعد على السمنه ،، عشان كذا ينصحون به السمينات ماياكلونه ينسونه بالمره ،،،
ويقولون النعناع يفتح الشهيه
حاولي تاكلين نعناع تمضغينه بين الفتره والثانيه
وكثري من النوم نامي اشكثر ماتبين ان شالله يومين ورا بعض ماتقومين براحتج

وصدقيني لو اتبعتي هالشي خطوه بخطوه راح تشوفين النتيجه
لاتستعجلين لو ماشفتي النتيجه بعد اسبوع
حاولي وحاولي وحاولي ،،، اذا ماشفتي النتيجه بعد اسبوع بتشوفيها الاسبوع الجاي واذا ماشفتيها بالاسبوع الثالث بتشوفيها بالرابع
بس لاتيأسين
لان لاحياة مع اليأس

ان شالله يعجبكم الموضوع واذا ماعجبكم عطوني رايكم