سؤالى الى الماهرات عن كيفية صنع القهوة ؟

والله اول مره ادش منتدى المطبخ واشوه لقيت شغله اعرفها وانشالله اكون وفيت بالطلب



أكيد الكل يعرف كيف يعمل القهوه

ولكن انا بقولكم عمل القهوه وانت اذا في البر


طعم القهوه في البر أطعم وأحلى طعم للقهوه الشقره


والأن

نبدأ

طبعا الكل متعود أن يشرب القهوه من الجوله

ولكن عندما تكون في البر تذهب لكي تجمع (( العرفج)) او الحطب

بعد ما تجمعهم تأتي إلى مكان النار (( الضو))

وتجيب الدله تكون كبيره جدا لكي تكون هي الممول للدلال الباقيه للشرب القهوه

تحط فيها ماي ثلاث أرباع الدله وبعد ما تغلي الماي....

تضع القهوه

ولي نصيحه هنا أنصح بالنوع القهوه واسمها قهوه خولاني هذه من اطيب القهوه على الاطلاق

فمثلا نقول الدله طولها مثل الساعد لليد فإنك تضع أربع فناجيل قهوه وتنتظر عليها مده إلى أن تفور

ثم تضع الهيل ومدت الوقت من خمس دقائق الى عشر على حسب تبينها خفيفه او ثقيله


ومثل ماقالوا أجدادنا القهوه الي مافيها هيل؟

والهيل من ثلاث ملاعق صغيره الى اربع

(( مثل العجوز الي خبيث نسمها))

ومن ثم تبعد الدله قليلا وتنتظر دقيقتين ومن ثم تبعدها عن النار لكي تهدى القهوه مع الهيل لكي

يكونون بالأسفل

وبعدها (( تزلها )) إي تصبها على الدله الي تقدم القهوه للرجال

ويا جعل بيوتكم ما تخلى من القهوه


ومثل الي قالوا

يا ما حلا الفنجال مع سيحت البال ______ فى مجلسن ما فيه نفسن ثقيله

هذى ولد عمن وهذى ولد خال ________ وهذى رفيقن ما ندور بديله

شكرا يا GAME OVER
لكن القهوه اللي شربتها اعتقد انها غير يعني مش القهوه العاديه ............
كان اغلب طعمها هيل وكان لونها يميل الى البياض...................
وشكرا مره ثانيه....:13:

كلها نفس الشى قهوه واحده

لكن ينضاف لها كفى ميت

او حليب القهوه على ما يسمونه

وفيه قهوة قبائل الشمال

وتميل الى اللون الاسود


وارجوا ان اكون وضحتها:04: :04:

شكرا يا GAME OVER
وتعبتك معاي ...............
بس شو اسوى الوحيد اللي عطاني ويه
ومشكور مره ثانيه...............
وانشاء الله اقدر اردها لك:02:

نشالله ما نطلب مرد منك

سؤال ونعرف الرد عليه ليش نبخل

انقول اللى عندنا والسلام ختام

وحياج الله