دانه عبس @danh_aabs
عضوة نشيطة
زوجي بيطلقني
السلام عليكم بنات تكفون لاتبخلون علي بنصائحكم انا تهاوشت مع زوجي بسبب جلوسه بالمجلس لحاله لاني طفشت من الجلسه بروحي وعيالي اثنين صغار واذا رحت عنده قالي ازعجوني اطلعو المهم كبرت السالفه ومد يده علي ودقيت على امي كنت بروح لها وما كانت موجوده فقلت له بكره الصباح ابروح وهو معصب وقال انا بطلقك بعدين راح نام فاوش شوركم وش اسوي اروح ولالا اخاف اروح واخسر بيتي للابد واخاف اجلس وتنهان كرامتي تكفون نصايحكم واذا قالي بكره روحي وش ارد عليه
40
4K
يلزم عليك تسجيل الدخول أولًا لكتابة تعليق.
لا تطلعين..صدقيني اذا كنتي عندة بيمل من الزعل ويراضيك بس اذا شافك عند اهلك ماراح يرحمك او يردك واستخير واستغفري..وبلاش تجلسي عندة ومعك العيال الرجل يحب البيت الهادي..حاولي تنظمين وقتهم مع وقته وبالتوفيق..
اقول قري في بيتك احسن لك وخلك عاقلة ترى طلعة المره من بيتها ما تكون الافي الشديد القوي اللي ما بعده رجعه
الصفحة الأخيرة
بس ماتوصل للضرب الله يهديه ماادري وش اقولك بس ماحبيت اطلع بدون ماادعيلك
وطمنينا وش يصير عليك.....استغفري الى الصبح وباذن الله ماتصبحين الا والمشكله محلوله.....