علاج حلو للاكواع والركب السودا

سبب سواد الكوع ممكن في بعض الاحيان تكون حالة مستعصيه مايعالجها الا دكتور جلد.. لكن عند الاغلبية ترى السبب لا يتعدى كونه الجفاف الشديد للمنطقه و الاهمال..خاصة مع كثره استناد الكوع على منطقه خشنه والاحتكاك الدائم

صحيح التقشير الاسبوعي ضروري لهالمنطقه لكن الاهم من ذلك ان تكون المنطقه مرطبه على طول
عندي لكم اقتراح ياريت الي تجربه تستمر عليه وباذن الله بتشوف الفرق مع الوقت


اول شي اعملي سكراب للمنطقه و هو عبارة عن :
خليط من عصير الليمون مع الباكينغ سودا.. تستوي لك مثل العجينه, حطيه على الركب والاكواع الجااافة..وابدي بحك المنطقه بحركات دائريه خفيفه عشان تتقشر..اتركي الخلطه على المنطقه لمده 15 دقيقة..بعدها اغسليها بالماء, وحطي عليها مرطب ثقيل او فازلين

وفي طريقة ثانيه معروفة وممتازه وهي خليط الملح باللليمون
تستخدمينه لفرك المنطقه و ازاله الخلايا الميته..وبعدها تسندين الاكواع على ليمونتين..وتتمين بهالطريقة لمدة 10 دقايق *ادري مالكم بارض ههههههه بس الليمون معروف انه مفتح من الدرجة الاولى

وفي طريقه رائعه للترطيب.. بعد ما تحطي على المنطقه مرطب ثقييييل..تجيبين دلاغ نظيف, وتقصينه بالمقص (حتى يصير عندك قطعة قماش بنهايتين مفتوحة من الطرفين) وتلبسينه لبس فوق الكوع او الركبة..بهذه الطريقة يحفظ المرطب في المنطقه, عشان ماتحتك بأشياء ثانية..خاصة في وقت النوووم لما تسوين خلطه و تنامين فيها ... ولما تقومين تشيلين هالدلاغ وبتشوفين شلون النعومة

بس ها..لازم تستمرون عشان تشوفون النتائج المرضيه باذن الله


ومابي منكم غير الدعاء اني اتزوج قريب :icon28: هههههه