الله يعينك شوفي هو ايش يحب يا اختي لا تعانديه وسايسيه وحبه حبه ان شالله وضعك بيتحسن مو الرجل بس تعانديه بصير عقله وعناده الله يكرمكم زي النعل القديم المهرهر وعذرا عالوصف 
بس هي حقيقه

الله يكون بعونك
شوفي موضوعي وان شاء الله يفيدك
وياليت ترفعوه يابنات للفائدة
http://forum.hawaaworld.com/showthread.php?t=4037779

انا رأيي انك تصبر عليه وتصيرين حكيمه ف تصرفاتك معاه وتصرفاته دليل على حرصه عليك تحمليه طولي بالك عليه صدقني مع الوقت بتعرفي تتعاملي معه اغلب العلاقات الزوجيه ف السنتين الاولى تكون شوي صعبه لكن مع الوقت راح تعرفي كيف تتعاملى معاه وما في شي اسمه شخصيتي ضعيفه لا حبيبتي لا تقولى عن نفسك كذا قوة الشخصيه تبان بالتصرف الصحيح اللي فيه تحكيم العقل احنا اغلب الحريم اول مانتزوج نبغى نسيطر على الرجال ونمشي الى ف راسنا عليه نتخيل ان الامور بهسوله لا بالعكس ولله يابعض الحريم خاصة الجيل الاول واحسدهم على هذا تتعامل مع الرجال بحكمه وتعرف من فين تجيه وخاصة رجال زمان كانوا شديدن مره هذي هي القوه مو اللي ترفع صوتها وتمشي رايها وتخسر حياتها وتضيع مستقبل عياله وتخسر كل شي اتمنى اكون افدتك

مر عليكي المثل اللي يقول ( وداوِها بالتي كانت هي الداءُ ) ؟؟
جربيه مع زوجك واخلطي معاه حبة كيد نساء وشوفي النتيجة ..
مشكلة زوجك العناد .. وياريته عناد على شي يسوى !!
عناد على هبالة ولقافة وتدخل في اشياء المفروض انه يترفع عنها ..
موافق انك تركبي اللولب ... ايش له داعي التدقيق في كلمة ( حجز ) ؟؟
مفكر الدكتورة من بقية حاشية ابوه منتظرتك تشرفي عندها وهي بتلغي كل المواعيد عندها
عشان حضرة جناب الحاكم بأمره طقت في راسه يوديكي ؟؟؟
والا هي تلاكيك قاعد يدور اعذار عشان ماتركبي اللولب والا ايش القصة ؟؟
وبعدين ايش اللي يمنعك تروحي لاهلك ؟؟؟
ويمنعك تشوفي الناس ؟؟
ويمنعك تقصي وتصبغي ؟؟؟
ويمنع الحليب الصناعي للاطفال ؟؟
خيرررر ؟؟؟
انتي كذا اسيرة ياحبيبة قلبي منتي زوجة !!!!!
والا جارية اشتراها من فلوس بابا وفرحان انه صار يعرف يتحكم ويتأمر !!!
ضعف شخصيتك مخليه يتمادى .. ولو ماتصرفتي وماكان لك موقف من اللي يصير
مستقبلك ماراح يكون اجمل من حاضرك .. كوني واثقة من هذا !!
رجال عنيد العناد الاهبل + زوجة مستسلمة وضعيفة وخوافة ... النتيجة كيف متوقعتها ؟؟
ماله داعي تدخلي اهلك في مشكلتك ..
انتي تقدري تصلحي الوضع بشوية تغيير في تصرفاتك وتقوي شخصيتك ..
بطلي خوف ... كفاية خوف !! انتي خايفة من تكرار كلمة الرفض ؟
طيب في كل الاحوال الرفض جاي جاي ... ايش الجديد ؟؟
خايفة تروحي بيت اهلك لانك عارفته بيطنشك ..
منتي لو استمريتي على حالك في السكوت والخوف والقهر من غير ماتتصرفي
في الاخير بتروحي بيت اهلك بعد مايطفح بك الكيل وتقرفي منه ومن العيشة معاه !!
طيب وبعدين ؟؟
ايش الحل ؟؟؟
الحل انك تتعلمي تسوي ردات فعل لكل موضوع يعاندك فيه ...
مثلا .. حكاية اللولب .. معاند عشان كلمة حجز ؟؟
اوكي مو مشكلة .. لاتفتحي معاه الموضوع ..
ارمي عيالك عنده واتظاهري بالتعب وانك مصدعة ومحتاجة تقعدي في الظلام لين يخف الصداع ..
ادخلي غرفتك واقفلي على نفسك الباب وحطي راسك نامي وانسيه هو والعيال ..
ساعتين ثلاثة لازم الرضيع بيبكي .. يبغى امه ترضعه .. صح ؟؟
خليه يفرفر معاه شوية لاتخافي ماحيموت من الجوع ..
هو بيلاقي نفسه متورط بالاثنين ..
طبعا لازم بيجيكي يدق الباب عشان يرميهم لك ويفتك ..
ولا تفتحي له ..
من ورا الباب قولي له تروح الصيدلية تشتري حليب والا اقعد فحط معاهم للصبح انا ماني خارجة ..
كذا بينحط في موقف يشبه مواقفه في العناد ..
انت تعرف تعاند ؟؟ حتى انا اعرف اعاند زيك بالتمام ..
برضه موضوع اللولب .. نفس الشي لمن يعاند احذفي له العيال وادخلي غرفتك
لو سوى لك لكاعة وصراخ قولي له لااايكثر ...
بكرة توديني اركب اللولب .. والا برمي لك العيال واروح لاهلي وابلش بهم انت ..
ماشاء الله انت مسوي ابو العريف الفاهم في كل شي خلاص خذهم عندك ماينخاف عليهم معاك ..
خليه يعاند ويسوي لك قصة .. لاتردي عليه واثبتي على موقفك
بتعاند ؟؟ انا كمان اعرف اعاند ..
داويه بنفس علته وانتي في بيتك من غير ماتدخلي احد بينكم .. عناد بعناد ..
لو ماقدرتي عليه بكل الطرق .. معناته ياحبيبة قلبي مالك الا تدخلي اهلك يشوفوا حل معاه ..
عشان اللي قاعد يسويه اسمه قلة حيا والله .. شي يفقع المرارة الله يعينك على بلوتك فيه ..
على فكرة .. وحدة من قريباتي كانت عايشة نفس وضعك ..
جابت خمسة ماشاء الله ورا بعضهم
زوجها كان رافض اللولب وحبوب منع الحمل ..
الادمية هلكت من التعب وكبرت سنين فوق عمرها ..
حياتها توقفت تماما لاخرجات ولا صديقات وماعادت تنشاف في جمعات الاهل
طول وقتها تناحل قلبها مع عيالها وسخافات زوجها
اخر شي جاها القرف ورمت له عياله كلهم اصغرهم كان عمره اربعة شهور ..
وراحت بيت اهلها ..
قال خذي الصغير معاكي.. قالت الله في سماه ما اخذ ولااا واحد ..
خليهم كلهم عندك انت مابتفهم لين تتبهذل وتعرف ان الله حق ..
وان ماحسيت ولا استعدلت يابويا طلقني انا تعبت وماعاد فيا اتحمل خلاص
خلته يضرب اخماس في اسداس وامه حرمة كبيرة في السن صارت تبكي من حوسة العيال
لين نزل العناد من راسه وراح لها برجوله يقدم الاعتذارات ويقولها سوي اللي تبغي انا موااافق ..
بعض الرجال يحتاجوا تحطيهم في مواقف تخليهم يجربوا عشان يحسوا ..
اللي عندك محتاج يتورط .. ورطيه عشان يحس ..
طول ما انتي بتعاني لوحدك .. انسي ان فيه شي بيتغير..
بيستمر في العناد وبتستمري في المعاناة لين تجي لحظة الانفجار وبتخربي الدنيا كلها ..

الله يصلح حالكم... ياااااااااارب