حتى الجروح تجي وتروح

صباح الخير ماادري من فين ابدء الجرح توه ماطاب من امس وانا ابكي تعبت من زوجي باقول قصتي وياليت ارتاح انا يابنات متزوجة من تسع سنوات عندي ثلاثة اطفال تزوجت من قريبي في خلال فترة زوجنا ذقت منه اكثر من خيانة ويحلف ماعاد يرجع وتتكرر الكره لدرجة ماصرت اثق فية بس الي مانفاهمته انه فعلا يحبني ومايرفض لي طلب بس الخيانة جارية بدمه وانا تعبت اخر شيي امس فتحت الايباد ولقيت محادثة مع وحده ويوم واجهته مس كل برامج المحادثات بس انا ماظلمته ولاكان شك شفت المحادثة بعيني بس هو حس انه اتورط ويهرب من الموضوع والله يابنات اني جالسه ابكي من امس وشريط حياتي يمر قدامي ماادري ليه يخونني مع انه كان يحبني قبل الزواج ومصر مايتزوج غيري وبصراحة موفرلي كل وسائل الترف مع انه حالته المادية متوسطه قبل يومين جاب لي خاتم الماس هدية من غير مناسبة بس وش فايدة الهدايا والحب اذا ضاعت الثقة بصراحة انا ماني مقصره معاه في شئ والحمدلله حلوه وصعيره ودلوعه ومهتمه فيه وفي عيالي لكن صدق الرجال مالهم امان الي عندها حل لاتبخل عليه للاسف ما اقدر اروح عند اهلي امي متزوجة وابويه رجل كبير واخاف عليه وكل ما اشتكي اهل زوجي امه تقول مصيره يعقل يليت من تشوف نفسها حكيمة تعتبرني اختها او بنتها وتنصحني والله مره تعبانه.