هل تفكيري صح والا غلط؟؟

هل انا صح والا غلط
السلام عليكم ورحمة الله وبركاته
يابنات ابيكم تقولون لي الصدق وماراح ازعل ..
شوفوا ام زوجي متوفيه الله يرحمها من سنين , ولزوجي اخ واحد واخت وحده , اخته عمرها 15 سنه واخوه كبير متزوج مش كبير مره يعني مسن لا , اقصد يعني ممكن في الثلاثين ما اعرف بالضبط كم بس شكله شاب , وابوه متوفي قبل امه .
اخته ساكنه في بيت اخوه مش عندي , بس بصراحه لما تبي مستشفى تتصل علي وتقولي ابيك انت وفلان قصدها زوجي تودني المستشفى , لان اخوها اللي ساكنه عنده لازم لازم يدخل معها عند الدكتوره حتى لو الموضوع محرج , بتقولون طيب ليش ماتروح مرته وهي اللي تدخل معها؟؟
ما ادري ليش حتى لو مرته راحت معها لازم يدخل .
الموضوع مش موقف لهنا لا , حتى اجتماع الامهات انا اروح معها , نتفق من الليل, لاني احب اسال عنها واهتم اكثر , مش مدح لكن هذي الحقيقه , لما تحتاج لسوق تاخذ التلفون وتتصل بزوجي او بي وتعلمني ونروح مع زوجي , بينا اسرار كأننا خوات ماشاء الله تبارك الله , طبعا في كل هذا عذرها عند اخوها اللي ساكنه عنده اني انا واياها متفقين خلاص , ويكون امام الامر الواقع
يابنات لما تتضايق على طول تتصل فيني وتقعد تفضفض واقعد اسمع لها وانا ساكته ولما تخلص اعيد عليها كلامها واقول كذا صح تقولي صح وبعدين اعطيها حل وافهمها وكأننا فعلا خوات والحمدالله ..
بالمقابل فيه مشاكل بينها وبين مرت اخوها اللي ساكنه عندهم وهذا برأئيي طبيعي , لكن انا عقلي بدأ يشتغل شغل مفكرين اقول بنت في سنها تحتاج رعايه واهتمام اكثر, تحتاج من يسمعها ويضمها , وهي على كلامها في بيتهم مرت اخوها ماتضمها ولا تبوسها ابد ابد , تعتبرها كبيره خلاص , اما انا كل مره تجينا مع اخوها او حتى زوجي لما يمرها ويجيبها عندي اقعد اضمها و ابوسها اسولف معها على قد سنها ..
فأنا افكر اني اخلي زوجي يجيبها عندي تعيش معنا ويصير بيتنا بيتها على طول ,وش رايكم تفكيري صح والا انا غلطانه؟؟
ولو فرضا تفكيري صح وين اخليها فيه في نهاية الاسبوع لما اروح لاهلي , هل اخليها تروح لمرت اخوها الثاني والا تروح معي ؟؟