أمور مهمه لكل وحدة قربت ولادتها+قصة ولادتي

السلام عليكم ورحمة الله وبركاته ليا اسبوع والدة ولله الحمد والعقبة لكل حامل تتيسر ولادتكماول شي على كلام كدا دكتورة خلصت ال9من عشرة أيام وكل مااروح المشفى ارجع مهمومه من كلام الدكتورة ولازم طلق صناعي أو قيصري وانا تعودت من ابليس ودعيت الله وبكيت ورجيته يسهلي الولادة المهم رحت مشفى تاني ونفس الكلام لازم طلق صناعي البيبي كبير وانت خلصتي التاسع من عشرة أيام وكشفت عليا وطلع 3سم وفرحت وقالت روحي اولدي دا الكلام الساعه 11الصبح ورحت بيتي وطبعا كان فيني الم وطلقات متباعدة كل 15دقيقه عبال ماجهزت اغراضي جاني نوم ههههههه ادري مو وقته بس قلت خليني انام ورايا سهرة لأن دايم مع أولادي أطول ف غرفه الولادة المهم نمت نص ساعه وزوجي ع راسي قومي قومي ماصدق يجيني طلق ::واقوم مافيني ألم وزعلت لأن راح الألم المهم مع إصرار زوجي رحت المشفى وتخطيط الطلق مافي المهم وانا راجعه نايمه ف السياره طاح عليا نوم مو طبيعي ورجعت بيتي على 7المغرب نوووم والساعه 9 العشاء بدء الجد صحاني طلق وارجع انام وتجيني طلقه واصحى زوجي بس هالمره مصممممه مااروح بدري وترى قمت وشغلت مقطع فيديو التنفس وقت الطلق وزوجي على اعصابة والطلق قوووي ومستمر كل ربع ساعه طلقه تبكي واصبر واتنفس. وعبيت موية حاارة وجلست فيها والطلق معايا مستمر بس لان اتنفس صح شهيق وزفير طويل احس المهم يخف المهم خرجت من بيتي 12ونص وعبال ماوصلت المشفى وجات الدكتورة دخلت عليا ف الغرفه 🤔🤔انت اللي معاك ولادة هههههه قلت ايوة وبسرعه تعالي افحصك والحمدلله طلع 5سم (((على فكره الدكتورة وقتها صدمتني 😐😐😐😐قالت على حسب السونار ماشاءالله اليوم موعد ولادتك😀😀😀 طبعا بالميلادي"""الحمدلله وسوت أوراقي وطلعت فوق وادخل غرفه الولادة واصورها وأرسل لصحبتي الصور والطلق معياا بس احسه متباعد أو خفيف المهم سدحوني وانا 😫😅😅مومصدقه انها ولادة وكشفت الدكتورة 8سم ووفقعت الموية وطلبتني كل ماجات طلقه ادف. 😥😥وانا جاني نوم ههههههه وربي بالولادة طفت عيوني والدكتورة نقلي انت عيونك اشبها كدا دايخه ؟؟واقلها لالا وأشد حيلي والحمدلله الساعه 2وشوي وانا والدةاللهم لك الحمد المهم حبايبي وكلو أمركم لله وادعو واتصدقو. وامشو ؛؛؛؛ثااني شي طبقوا تمارين التنفس بس وقت الطلقه لأن وقت الدفع عادي كأنك بتروحين الحمام الله يكرمكم وتتبرزون؛؛؛ثالثا شي. الحساب الحساب بالميلادي عشان ماتتعب نفسيتكم زييوطبعا حبايبي. لما تحسون بغثيان وقت الطلق وتحسين انك بتروحين الحمام تتبرزين اعرفي انها خلاااص قرب الفرج ويخرج الرأس واسأل اله العظيم ان ييسر لكم ولادتكم ويقويكم ولازم تصبرون. ترى حدك بس يخرج الرأس وبعدين تنسين الألم لما تشوفي البيبي 😂😂😂مشكلتي لما رحت المشفى لقيت وحده تصرخ ساعدوني ساااعدوني وطرحتها طايحه ومي قادرة تجلس على الكرسي انا هنا انفجعت وقمت ابكي ورحت عندها واقلها اذكري الله. تنفسي زين. وطلعت وماشاء الله ولدت على طول وانا بعدها. أي سوال حياكم ولدت في بخش مكه الطبي حاليا دكتورة لبنى والحمد لله جزاهم الله الف خير ساعدوني