فكرتي هي أيش رايكم لو كل وحدة تكسر روتينها بروتين حياة غيرها

موضوع حلوو حيوي انا معاك ماحب الروتين وممكن نستفيد من تجارب بعض بس ابدئي انت عشان نهم الفكرة اكثثثر

وانا معكم كمان بهالفكره لانه الورتين ممل جدا

اقوم الصبح اصلي واصحي بنتي تلبس وافطرها واسويلها ساندويتش

واذكرها بالاذكار وتداوم المدرسه

وارد انام لين وقت الاسهم ...اقوم الساعه عشره

اسوي فطور خفيف لزوجي ويبدأ التداول امام التلفاز وشاشاة الكمبيوتر علوم واستشارات

ومتابعه

تعدي الساعتين

ويجيب بنتي يرد من البيت نجلس اشوي وازهب الغدى نتغدى وندخل نقيل للساعه اربع ونص ونتداول برضه العصر

بعد المغرب يرجع من الصلاه ونجتمع عند امه نتقهوى الى صلاة العشاء ارد بيتي جمبهم هو

ابدا اذاكر لبنتي اتابع اي شيء بالتلفزيون نطلع اي زياره خفيفه ونرد ننام

عادة انا احب السهر وادخل عالم حواء

هذا روتيني الممل

ودمتم

روتيني اصحى الثانية عشرة ادخل النت اجهز الغدا اصحي بناتي العصر اقوم بشغل البيت
اطبخ شئ لقهوة المغرب ممكن نطلع بعدها واذا ماطلعت اريح شوية نجهز العشا نسهر للفجر انا وبناتي وننام وهكذا دواليك هذا الغالب في نظامي نسيت قبل النوم اخذ ورد من القران لأني قاعدة احفظ سورة البقرة ادعوا لي اخلصها

انا عاد روتيني العجيب كل يوم شكل مره اصحي من الساعه 8 ومره من 12
على حسب لما يخليني طفلي انام بالليل اصحي بدري وهو كذلك ولما ما ينام بالليل ينام الصباح وانام معاه
اى وقت اصحى فيه احميه وافطره وننزل معاه عند جدته الى هي ام زوجي وننتظر زوجي يرجع من العمل وبعدين نتغدي ونرجع قسمنا الساعه 3 واشوف اذا عندي غسل او كوي او تنظيف المهم كله انا حاطه هالمهام في جدول كل يوم اسوي شي..وبعدها اذا كان يوم زيارتي لاهلي اروح عندهم بعد صلات العصر واحيانن ما نطلع زوجي على قنوات المباريات وانا على النت او اقرا مجله او اغلس عليه وتعالوا عاد انواع التغليسات بيني وبينه خاصه لما تكون في مباراه مهم لانه حقي في التلفاز مهظوم ..المهم نرجع مره ثانيه عند عمتي بعد صلاة المغرب وبعدين لين العشا معاهم لين نتعشى ونرجع قسمنا والا انيم طفلي والا انيم ابوه هههههههههههه حلوه
المهم احيانن اكون طفرانه لانه مافي اى تجديد في حياتي واحس انه الى انام عليه نصحى عليه مافي شي جديد
اتمنى ما اكون جبت لكم شي يديد هههههههههههههه