بصراحة قوانين السكن مثل قوانين اي سكن جامعي...لافيه قيود فوق العاده ولاغيره...لكن بدون زعل أي وحده ما تعجبها قوانين السكن إتكون جاية لغرض الشغب والسهر و اللعب...فلازم ايكون فيه قوانين معروفه علشان تضبط الحياة...شوفي البلادين من غير قوانين؟
إتعم الفوضى :024: والسرقات والجرايم<< شو رايكم بالتشبيه :25: خوفت البنت.
في راي جامعة الامارات 100% والحياة بالسكن 100% وكله يعتمد على شخصيتج...وماشاء الله أسيرة نوري ماقصرت.
وبالنسبة للسكن عادي الموبايلات مسموحه بس بدون كاميرا
وايضااا اذا عندج لاب توب او كمبيوتر عادي مسموح به
وايضاا اذا تبين تييبين تلفزيون في الغرفه عادي
والنت موجود في الكلية وموجود لاب في السكن بس مب لين هناك مريح
وايضااا تقدرين بالبطاقه لوجود شبكه للنت في السكن((تقدرين تسالين المشرفات عنه)))
طبعن انا اللحين متخرجه من سنتين وعن قوانين السكن ماادري اذا تغيرت اولا
طبعا من السكن الى الكلية ومن الكلية الى السكن
ومن الكلية الى مكتبة زايد (((( فرصة نشوف فيها العالم الخارجي طبعن بس الشوارع اللي نشوفها خخخخخ))))
وتقدرين لو عندج صديقات في سكنات ثانية انج تزورينهم في وقت الكلية
لانه بعض السكنات بعيده عن الكلية وتحتاج باص والباصات من الساعه 8 ص الى 8 م
والسكنات اللي تكون مقابل بعض تكون بواباتها مفتوحه لين 8 او 9
يعني المرفوض الوحده تكون في سكنها الاصلي قبل هالوقت
طبعن المبتعثات كلهن يكونون في سكن واحد (( على مااظن مقام (1) ويكون عند الكلية
يعني تروحين مشي وترجعين مشي)))
ولكل سكن مطعم وجمعية (( طبعا اوقات محدده راح تعرفينها))
وكل مبنى في السكن له مشرفه وتقوم بعملية التمام الليلي وايضا بمعرفة من تحتاجه الطالبات
من حل مشاكل او اعطال في الغرف واحيانا تقوم باللف على الغرف لمعرفة اوضاع البنات
او احيانا الكشف عن الممنوعات خخخخخخخ مثل البخور او المباخر لانها تسبب في الحرائق
او التوستر او البويلر في الغرف ممنوع (( بس عادي اغلب البنات محطينه في الغرفه داخل الكبت وقت الحاجه يطلعونه))
واهم شيء يكركزون على اللبس المحتشم داخل السكن لتفادي المشاكل
بعد السااعه 12 بالليل ممنوع وجود طالبه في مبنى غير مبناها او خارج المبنى في الباحه(( بس ماادري اذا االلحين عادي او لا))) <<<<<<<<< بس اغلب البنات يطنشون المشرفات هههههههه