السلام عليكم اخواتي
اليوم عندي طريقه صالونه الدجاج الايراني ... خذتها من الغاليه ام سيف زميلتي
في الدوام ...وماشاء الله عليها هي فنانه كل ما اخذ منها طريقه تطلع مضبوطه ماشاء الله
المهم ..... تفضلوا الطريقه ....ولاتطوفكم تراها عجيبه ...وخاصه مع الارز الايراني والزعفران
وماء الورد .....
المقادير ...
دجاجه مقطعه 8 قطع بدون الجلد ...والافضل صدور دجاج بدون عظم
بصلتين مفرومات , فصين ثوم , زنجبيل ,فلفل حار ( الحجم الكبير)
كوب ونصف عدس اصفر ... مب الاحمر او البرتقالي ..بحط لكم صورته انشاء الله
الطريقه :
في البدايه نسلق العدس الاصفر لمده 3 او 5 دقايق ...حتى يلين شوي ....
انا نقعته قبل الطبخ يمكن نص ساعه او اكثر عشان كذا ماسلقته الا شوي وكان لين وايد
في نفس الوقت ....
نحمر البصل والثوم والزنجبيل في الزيت ...الى ان يتغير لونه قليلا ثم نضيف له الدجاج
ونحركه لين يتحمر شوي ...ونغطيه ونخليه على نار هاديه .....
ثم نضيف له العدس بدون ماءه ...ونحركه ... ثم نضيف له ماء ( كوب ونصف )
انا ضفت له من ماء السلق ... ثم نضيف له البهارات ( ملح ,فلفل اسود ,كمون ,ملعقه صغيره بهارات مخلوطه , فلفل احمر حار <<< رهيب يطلع الطعم الحار
وخليته يطبخ نصف ساعه لين ينضج الدجاج والعدس وقدمته مع الارز الابيض بالزعفران
وهذي الصور ....
هذا العدس الاصفر
وهذا الفلفل الحار الكبير ( يعطي نكهه حلوه )
وهذا الارز الابيض بالزعفران وماء الورد ...وطريقته سهله ...
سلقت اول شي الارز نصف نضج ..وسخلته ..وبعدين حطيته في الجدر وحطيت على الوجه
منقوع عباره عن ( فنجان ماء ورد..مع زعفران ..ولون اصفر او لون الزعفران ) ...
ونغطيه بقصدير ونتركه ربع ساعه على نار هادئه جدا ...ويقدم ...
وايد حلوه تسلم يدتش