الطلبيةالإماراتيةالثانيةلكحل أمنيتي اللي تباتسجل اسمها

مرحبا خواتي ................... :mouse:

مثل ما الأغلبية عارفين .. انا طلبنا الطلبية الأولى ..
والعدد كان 30 حبة من كحل أمنيتي .. وما شاء الله خلصت الكمية..
وحاليا فيه مجموعة يديدة طلبوا من الكحل ..
عشان جيه قلت نرتب الطلبية الثانية في هالموضوع ..

فأي وحدة حابة ..
تحولي 60 درهم لحسابي عن كل غرشة تباها ..
والرجاء التحويل من الحين ومو تتريون لين يوصل الكحل ..
وعقب أقعد أدوركم وحدة وحدة .. ويوم تخلص الكمية تلوموني ..
مافيه حجز .. اللي تبا تدفع وبينحجز ذيك الساعة ..
فاللي حابة تاخذ منه ..
ترسلي عالخاص اسمها وموبايلها والامارة ..
وبطرشلها رقم حسابي .. تحول المبلغ ..
أو تقدر تدش هالرابط وبتلاقي رقم حسابي


وعقب ما يوصل .. بطرشه لكل وحدة دفعت لبيتها عن طريق الأرامكس ..
25 درهم للتوصيل .. انتوا تدفعونها طبعا ..:11:
واللي من بوظبي وعندها دريول تقدر ترسلي اياه على راحتها ..
أو تقدرون تسوون مجموعات من كل إمارة وأطرشلكم مرة وحدة ..
مثل ما سوينا في الموضوع الأولي ..
اللي حابة تشوف الموضوع السابق تتفضل هنيه
وكل وحدة تطلب من الكحل بسجل اسمها هنيه ويوم تدفع أأكد دفعها هنيه ..
أحسن يكون كل شي عالعام .. عشان تتابعون الموضوع كلكم أول بأول ..

وايد بنات وصوني اخبرهم اذا طلبت مرة ثانية ..
فبحاول أتذكرهم وبطرشلهم عالخاص ..
واللي موصتني وما تذكرتها تسامحني .. تراني نساية درجة أولى .. :06:

يالله نبدا اللستة ..

سبيس توووون ----------- 4 ----------- العين
*@ميمو@* -------------2 ----------- دبي
بنت خور ------------------1 ----------- الفجيرة (وتبا دخون دوسري)



يالله ننتظر البقية ............ :21: