يمكن مايحب يشوفك ضعيفه فيه رجال كذا يحبو المراه القويه او انه ع باله انك تبين حنان منه فكذا يطنش

والله اتمنى اني اطنش ولا اهتم فيه وفي طبعه هذا لكن انا خايفه منه ، يعني انا بالتاسع وعلى وجه ولاده وهو نفسه شينه علي من يوم مرضت وانا تلقائيا ما طايقته بسبب هالشي ، وغصبا عني حاسه بكآبه منه واحس هالشي راح يضرني ويعسر ولادتي لو جاتني ولاده بهذي الفتره لانكم تعرفون انه الدعم النفسي اهم شي في وقت الولاده وهذا بهذي الطبيعه اللي فيه وين راح القى منه دعم نفسي، والله متضايقه حيل منه، يعني قبل كم يوم كان يضحك ويمزح معي ومره وحده لما مرضت يطنشني ولا يعبرني ويشوفني متضايقه ومطنش ما يبي يتعب نفسه حتى بسؤالي ليش متضايقه؟!!! مستغربه من هالطبع، وهو اذا شوي مرض انا اشيله واهتم فيه وكأنه ولدي موه زوجي ، والله صعبانه علي نفسي وحاليا مطنشتنه واعامله وكأنه غير موجود ، يعني تخيلوا تزاعلنا لاني مريضه

انا ما طالبه منه يطبطب علي طول الوقت ولا انا من النوع الدلوع اللي يحب يتدلع بس ع الاقل منتظره منه سؤال طبيعي: ايش فيك؟ او بإيش حاسه؟ ، حتى الشغاله اهتمت وسألت وهو لا، يعني بالله عليكم لو عايشه مع احد غريب وف يوم شفته مريض او يبكي ما على الاقل اسأله : ايش فيك؟!. هذا يشوفني مريضه وابكي ولا حتى سأل ولا كأنه شايفني، موه غريبه هالشي؟ موه شي يقهر؟
ولا انا من النوع اللي يتميرض او يتدلع وهو يعرفني اني صبوره جدا وما احب اشتكي

حبيبتي زوجي نفس حالت زوجك يحب اهتم فيه اذا مرض بس اذا مرضت انا ولا كأنه يعرفني حتى حبة البنادل ما يتعب نفسه يجيب
لي بس تعود على كذا 

نففففففففس وضع زوجي مايسال كيفك اليوم تحسنتي ؟؟ وإلا إِيش فيك تعبانه متضايقة ؟؟ وهو اذا تعب يقعد 5 ايام في البيت وانا اخدمه وعسل على قلبي ،، ومرة كنت تعبانه وطلبته يسويلي شاهي وقعد يماطل مع أني اقدر أقوم أسوي عادي بس أنا ابغاه منه وماقام يسوي وسويت الشاهي ومااعطيته وزعل ،، وبعدها بشهر تعب زوجي والموقف عالق في ذهني واستنى يمرض عشان أردها فيه ،، وخليته مع نفسه ولا اهتميت فيه ولا أسوي شي من نفسي الا اذا هو طلب أعطيه واخرج عنه ،، ولما بدا يتشافى يقولي احس أني ثقيل عليكم ،، وذكرته بالموقف