عندك غسالة LG الاتوماتيك؟؟ لحظة من فضلك...

هلاااااااااااااااااااااااااا
بالنسبه للصابون مخصص له درج والكميه لا تتقيدين بالمكتوب , انتي قدري من عندك
وبصراحه انا أحط الصابون مباشره على الملابس وأبرمجها وأشغلها
والتشغيل كالآتي :
1- اضغطي زر ( on , off )
2- اختاري البرنامج المناسب ( جينز او صوف اوعقلي او اقتصادي ) على حسب نوع الملابس اللي بتغسلينها , انا دائماً اختار ( عقلي ) للملابس العاديه
3- زر العمليات ( غسيل , شطف , تجفيف ) بتلقين الثلاث لمبات مولعة خليها زي ماهي وفيه خيار إضافي اللي هو ( نقع سريع ) لو بغيتي فترة الغسيل تطول أنظف للملابس , اضغطي عل زر العمليات مره وحده علشان تولع اللمبه اللي عند ( نقع سريع ) أنا أحط هالخيار لغسيل ملابس الأطفال والملابس الرجاليه أنظف لها
4- زر مستوى الماء اختاري المقاس المناسب لكمية غسيلك وذلك بالضغط على زر ( مستوى الماء ) في كل مره ضغطه لين تولع اللمبه اللي عند المستوى المرغوب
5- زر خيارات إضافيه ( تجفيف اضافي , شطف اضافي ... الخ ) غالباً ما تحتاجينه فخليه زي ما هو
6- زر ( نوعية الماء ) تختارين اذا تبين الماء دافئ شغلي البارد والحار , واذا تبينه عادي خليك على خيار البارد
7-أخر شئ اضغطي زر التشغيل ( مكتوب عليه ,, تشغيل ,, ) وراح تبتدي الغساله تعبي مويه واتركيها تكمل لللآ خر

ملاحظه : فيه بعض العمليات ( جينز , الصوف ) مبرمجه تلقائي يعني حطي ملابس الجنز والصابون واضغطي خيار( جينز ) وحددي كمية الماء وشغليها , والصوف نفس الشئ .

وبالنسبه لتقسيم الملابس فهو مثل الغساله العاديه يعني الأبيض بالحال والملون لحاله , وأ كيد الملابس اللي تنزل لون تغسل لوحدها

أتمنى أكون أفدتك وأي استفسار انا حاضره ( وراجعي الكاتالوج وحاولي تطبقين ومع الأيام تتعودين عليها انا في البدايه كنت مثلك.

انا عندي بس احس انها مقرفه بصراحه ابد ماهي حلوه خصوصا للابيض ابد مايطلع يلق مثل الاوله ام الحوضين فرق لمى تغسل الابيض فيها ولمى نغسله بام حوضين بس انها مريحه بس ماهي نظيفه ماعجبتني ابد ولا انصح فيها ............

لوسمحتو وش افضل ماركة للغسالة الاتوماتيك؟؟

جنرال يمدحونها مره بس امريكيه
LG ما عليها زينه
وصادقه الاخت اللي تقول فرق بينها وبين العاديه
احس العاديه تنظف اكثر والوقت والماء بيدك انت اللي تتحكمين فيها

اختى
انتىطولى مدة الغسيل يعنى لاتحطى العمليات مع بعض غسيل وتشطيف وتجفيف حطى بس غسيل وكررى مرتين وبعين حطى العمليات مع بعض علشان مدة الغسيل تطول وينظف الغسيل احسن هذه طريقتى جربوها وماراح تندموا