الاخت عيون وليد ولايهون الجميع تكفون ساعدوني ولكم مني الدعاء

السلام عليكم ورحمة الله وبركاته جميعا

اخواتي انا اول مرة انضم لهالقسم
والله لايطول جلستنا فيه جميعا
واسال الله الذريه الصالحه للجميع

انا الان لي 3 اشهر في محاولات للحمل لكن باءت بالفشل
واليوم عندي موعد للتحاليل وزوجي موعده بعد يومين
دعواتكم...

اختي عيون وليد انا قريت لك رد في احد المواضيع


انا صراحه مااعرف وش الاشياء اللي المفروض تنعمل وقت الدورة ووش الاشيا اللي المفروض نتجنبها
يعني ايام الدورة وغيرها واحد عندي
اذا تكلفت لبست بنطلون بالشتاء
وتوني تعلمت مااشرب لبن:22:
والا باقي نظامي عادي جداجدا
وجتني فترة صارت الدورة مرررة مؤلمه ويجيني اصوات واشيا بصراحه انا ماافهمها لان اهلي مو من النوع اللي يحكي في هالامور بعدين هما مودرن بزوووود مايتعاملون بالاعشاب او الطب الشعبي ابدا

اخر شي كلمت ام زوج اختي لانه تفهم في هالامور وماعلمتها مين انا وقلت عن اللي فيني
وجهزت لي خلطت علاجات مريت واخذتها ودفعت الحساب ومشيت وماعرفتني
والحمدلله راح تعب الدورة وراحت الاصوات
لكن بقى اني ماافهم وش الاشيا اللي المفروض اسويها

وبقى اني ماحملت ومااعرف ليش :(

تكفين اختي عيون وليد الله يخليه لك ولايحرمكم من بعضو يرزقكم الذريه الصالحه انتو وكل من تساعدني

لاتبخلوا علي بالنصايح
انا نفسي اجلس وابحث في المنتدى لكن ماعندي وقت انا طالبه وتخصصي محاسبه ياكل كل وقتي..

تذكرت شي..مرة قريت لوحده من الاخوات تقول انها ماتنتبه لنفسها وترقى درج كثييير؟!!!!!

يعني كيف الدرج يتعب
انا كل يوم بالجامعه ارقى على الاقل اربع ادوار وانزل في كل ساعه الى ساعتين تقريبامع انه فيه مصاعد بس اقول ريلضه وصحه:22:
هل هذا غلط؟؟؟؟

بانتظار ردودكم الله يجزاكم خير واتمنى ماتخيبوني